«Маған ұл бала керек»: Актер Олжас Абай ер азаматтарға үндеу жасады
Актер қоғамдағы өзекті мәселені көтерді
Актер Олжас Абай балалы бола алмағанына әйелін кінәлап жүрген ерлерге үндеу жасады, деп хабарлайды Malim.kz.
Өнер иесі жақында шыққан фильмде қоғамдағы маңызды мәселені қозғағанын айтады. Тіпті, өзі сомдаған кейіпкер де балалы болмағанына әйелін айыптайды.
"Кинода қолымнан келгенше көрсеттім. "Бала неге тумайсың?" деп сынап жатады. Ол әйелдің қолында емес қой. "Маған ұл бала керек. Төрт қыздан кейін қайта қыз туып жатырсың" деп айтатындарды мүлдем түсінбеймін. Ондай адамдар қалай ойланатынын білмеймін. Ол құдайдың қолында. Адамның миына сыймайтын нәрсе ғой. Сол себепті ер азаматтарға айтарым бар. Қыз туса, да, ұл туса да ол құдайдың бергені. Оған разы болу керек", - деді Олжас Абай Revue News бағдарламасында.
MalimBlocks
