«Мен мінген тікұшақтың бірі құлады»: Балжан Бидаш Нью-Йорктегі апаттан соң пікір білдірді
Ол тыңдарманына алғысын жеткізді.
Танымал әнші Балжан Бидаш Нью-Йорктегі тікұшақ апатынан аман қалғанын айтты, деп хабарлайды Malim.kz.
Өнер иесі АҚШ-қа саяхаттап кеткен. Әлеуметтік желідегі парақшасында Нью-Йорктегі тікұшақ апатының видеосын жариялады.
Мен де мінген тікұшақтың бірі құлады. Бір отбасы кетті. Жүрегім-ай, деп жазды эстрада жұлдызы.
Бидаш алаңдаушылық білдірген оқырмандарына алғысын жеткізді.
Маған тоқтаусыз осы видеоларды оқырмандарым жіберіп жатыр. «Амансыз ба?» деп жазып, уайымдап жатқан жандарға рақмет. Құдай аяқ асты келетін апаттан сақтасын, деп жазған әнші.
Еске салайық, Нью-Йоркте туристік тікұшақ апатқа ұшырап, Siemens Испания компаниясының басшысы мен отбасы қаза тапқан еді.
Фото: instagram.com/bidash_official
