Танымал актер Нұржан Құлшынбаев өзі 28 жыл қызмет еткен «Шаншар» театрынан кеткен. Бұл туралы актер Ońtústik телеарнасына берген сұхбатында айтты, деп хабарлайды Malim.kz.
«Шаншар» театры арқылы халыққа танылған актер белгілі ұжымнан кетемін деп ойламаған екен.
Уәлибек ағамызбен келісіп, ақылын тыңдап, батасын алдым. Бірге тумақ болса да, бірге жүрмек жоқ дейді ғой. Ағамыз «еншіңді берейін, театрыңды ашасың ба, басқа салаға кетесің бе, өзің біл, бірақ батамды берейін» деді. Сол кісінің рұқсатымен, батасын алып шықтық. Арасында ақыл сұрап тұрамыз, кем-кетігімізді түзеп тұрады. Жалпы айтқанда, тығыз байланыстамыз. «Шаншардан» кеткеніммен, жүрегім сол жақта. Дегенмен өз театрымызға қызмет етеміз, дейді ол.
Қазіргі уақытта «Шаншар» театрынан еншісін алып шыққан актер «Нұржан Құлшынбаев театры» деп аталатын өзінің театрын ашықан. Айтуынша, театрда 8 әртіс жұмыс істейді. Олардың барлығы әзіл-сықақ және сатира театрларының әртістері.
Видеодан кадр: ontustiktv/youtube.com
