«Өлімнің бары рас»: Айқын Төлепберген 4 баласына қандай жағдай жасағанын айтты

Танымал әнші Айқын Төлепберген екінші рет үйленіп, «Астарлы ақиқат» бағдарламасының студиясында үйлену тойын жасады, деп хабарлайды Malim.kz

Жұлдызды жұп үйлену тойын осыдан тоғыз жыл бұрын жасағысы келгенін айтты. Алайда белгілі себептерге байланысты бұл ойы іске аспай қалған. Сол себепті ерлі-зайыпты өтпей қалған тойдың орнын толтырып, оны студияда тойлау туралы шешім қабылдапты. Әнші сөз арасында өзінің жақсы әке екенін атап өтті.

«Мен жақсы күйеу емес шығармын, бірақ жақсы әкемін. Оны балаларыммен қарым-қатынасымнан-ақ байқауға болады. Бүгінде төрт балама төрт пәтер алып қойдым. Өлімнің бары рас, көзім кеткенде балаларымның ешкімге жалтақтап өспегенін қалаймын. Қазір балаларымның қандай киім киіп жүргеніне дейін біліп отырамын. Мектептегі үлгерімі мен қандай үйірмелерге жазылғанынан да хабардармын. Балаларым бірі-бірімен тату-тәтті өмір сүріп жатыр», – деді Айқын.