«Пиво ішкен жоқпын»: Мақпал Жүнісова видеосымен көпшіліктің көңілін көтерді
Әнші оқырманын күлкіге қарық қылды.
Қазақстанның халық әртісі Мақпал Жүнісова мұрағаттан видео жариялап, басынан өткен күлкілі жағдайды еске алды, деп хабарлайды Malim.kz.
Әншінің айтуынша, бұл жағдай біраз уақыт бұрын Оралда болған.
Оралға жолға жиналып жатырмын, соңғы барғанда қандай көйлек киіп едім деп мұрағатты ақтарсам, оралдық мықты әнші Еркін Өтегеновтің ән кешіне барыппын. Сонда апам шығып, «менің жас кезімде келгенімде таң атқанша отырып едік Пивашевпен» дегенде «шок» болдым. Құлағына «апа, мен ол кезде «пиво ішкен жоқпын» деп сыбырлаймын. Сөйтсем, бастықтарының тегі Пивашев екен, маған «пиво ішіп отырғанбыз» деп естілді, - деп көпшілікті күлкіге қарық қылды.
Өнер иесінің оқырманы Жүнісованың ақкөңіл екенін айтып, ізгі тілектерін жеткізген.
Фото: informburo.kz
MalimBlocks
