Қарақат Әбілдина Меруерт Өтекешованың батасын алғанын айтты
Әнші аңыз актрисамен қалай танысқанын есіне алды.
Танымал өнер иесі Қарақат Әбілдина қазақтың «Қыз Жібегі» атанып кеткен Меруерт Өтекешовамен қалай танысқанын айтып берді, деп хабарлайды Malim.kz.
Қазақтың Қыз Жібегі Меруерт Өтекешова апамызға құрмет, қошеметтеріңіз болсын, жақсы адамдар! Алғаш рет аяулы апамды 2000 жылы «Асыл әже» бейнебаянының түсірілімінде жақыннан көрдім. Сұлулығына, қарапайымдылығына аузым ашылып қарағаным әлі есімде. Кинодағы Қыз Жібектің қызы болып ойнау бақыты бұйырып, алғашқы өнердегі қадамыма батасын да берген өзі еді. Кейін Қыдекемнің идеясымен, «Бағым сен» әнінің клипіне махаббат символы ретінде Құман ағамыз бен Меруерт апамыз бірге түсті. Біздің шығармашылық жолымызда осындай аңыз адамдардың қатысы болғанының өзі қайталанбайтын тарих екен ғой... Бақытын өнерден тапқан, қазақтың Қыз Жібегі, 100 жасаңыз! деді Қарақат Әбілдина.
Фото: instagram.com/karakat_a
