Танымал актер қатерлі ісікке шалдығуына қандай сусын әсер еткенін айтты
Актер 6 жылдан бері спортпен айналысып, арасында ашығып тұрған
Танымал актер Мұрат Бисембин ұйқы безінің қатерлі ісігі анықталғанын айтып, көпшілікті алаңдатып қойғаны белгілі. Актер ауруға шалдығуына не себеп болғанын айтып берді, деп хабарлайды Malim.kz.
Актер 6 жылдан бері спортпен айналысып, арасында ашығып тұратынын атап өтті. Оның айтуынша, осы жылдар көлемінде ашқарында энергетикалық сусын ішкен.
"Алты жылдан бері спортпен айналысамын, ашығу режимін ұстанамын. Бірақ салмағым өзгермеді. Одан кейін алты жыл бойы ашқарынға энергетик сусын іштім. Сосын қантсыз коланы таңертеңнен кешке дейін ішіп жүрдім. Осылар менің тәбетімді тежейді деп ойладым. Себебі қанша тамақ ішіп, спортпен айналыссам да, салмақ қоса алмай қойдым. Менің диагнозымның ең бірінші белгісі - салмақ жинай алмай қалу екен. Алайда аталған сусындар менің денсаулығыма зиянын тигізді. Қатерлі ісікке шалдығуымның бірден бір себебі де осы зиянды сусындар болуы мүмкін деп ойлаймын", - деді Мұрат Бисембин.
