Үндістанға демалуға кеткен Анара Батырханның образы көпшіліктің көңілінен шықты
Ол Нью-Дели көшелерін аралап жүрген видеосын салды.
Қазақстандық тележүргізуші, актриса және әнші Анара Батырхан Үндістанға кетті, деп хабарлайды Malim.kz.
Өнер иесі Нью-Делидегі серуен кезінде түсірілген кадрларды Instagram-дағы парақшасында жариялады.
Атмосфераны сезініңіздер, деп жазды Анара.
Кадрлардан оның асықпай серуендеп жүргенін көруге болады. Ал айналасы ығы-жығы адам мен рикшалар.
Тағы бір видеода ол бірден көзге түсетін көйлек киіп шығып, көпшіліктің назарын өзіне аудартқан. Тұрғындардың бірі бойжеткені қажетті мекенжайына дейін жеткізіп тастаған.
Мына адам қыр-соңымнан қалмай келеді, «сәнбике емессің бе?» деп сұрайды, деді Анара.
Сонан соң бейтаныс адам оған гүл сыйлаған.
Әзірге Шахрукх Кханды кездестірмедім, деп әзілдеді өнер иесі.
Фото: instagram.com/anarabatyrkhan
