«Жолдасым миллионер болған жоқ». Ләйлә Сұлтанқызы күйеуінің мұрасы туралы айтты

Танымал тележүргізуші Ләйлә Сұлтанқызы марқұм жолдасынан қалған мұраның қалай бөлінгені туралы айтып берді, деп хабарлайды Malim.kz.

Ләйлә Сұлтанқызының айтуынша, күйеуінен қалған мұра 5 адамға беріледі.

«Шын мәнінде өсиетхат болған жоқ, заң бойынша алты ай көлемінде күтуіміз керек болды. Яғни басқа балалары бар ма, бар болса, олар дәлелдеуі керек деген сияқты тұстары бар. Мұра алты айдан кейін беріледі. Біздің жағдайда бес адам болды: ұлы мен қызы, екеуміздің екі ұлымыз және заңды әйелі, яғни мен. Яғни қандай мүлік болсын, ол алты адамға бөлінеді. Ешқандай дүние-мүлік қалған жоқ, бірақ некеде жиналған кез келген дүние-мүлік балаларға теңдей бөлінеді», - деді Ләйлә Сұлтанқызы.

Оның айтуынша, есейген балалары еншісінен бас тартпаған.

«Үлкен балалары еншісін екі кішкентай бауырларына берген жоқ. Бергісі де келмеді. Оның себебін де түсінемін. Олар қалыптасқан тұлға. Олар да Қайрекеңнің балалары. Жолдасым миллионер болған жоқ», - деп жауап берді Сұлтанқызы.