Абай облысында тағы да өрт
Абай облысына қарасты Көкпекті ауданы Үлгілі Малшы ауылынан 50 шақырым жерде қамыс өртеніп жатыр.
Үлгілі Малшы ауылынан 50 шақырым жерде кеше күндізгі сағат 11 шамасында қамыс өртене бастаған. Қазіргі уақытта өрттің болжамды ауданы 200 гектарға жетіп отыр.
Абай облысы бойынша ТЖ департаментінің хабарламасында «Елді мекендерге қауіп жоқ. Зардап шеккендер жоқ. Үлгілі Малшы ауылдық округі әкімдігінің ақпараты бойынша Мемлекеттік өртке қарсы қызмет органдарының күштері мен құралдарын тарту талап етілмейді» делінген.
Бірақ осыдан бір ай бұрын ғана «Семей орман» резерватындағы болған алапат өртті де алғашында аймақтағы өрт сөндірушілер мен орманшылар өз күшімен сөндіруге әрекет етіп, орман шаруашылығының 14 жұмысшысы қайтыс болғаннан кейін ғана барлық күш жұмылдырылып от ауыздықталған болатын. Сол кезде тілсіз жаудың алдын алуда шарасыздық танытқан төтенше жағдайлар министрі Юрий Ильин, тоғыз жыл Шығыс Қазақстанды басқарған Даниал Ахметов қызметтен кетті. Бір жыл бұрын құрылған Абай облысының әкіміне сөгіс жариялады.
«Семей орманының» өрт шарпыған аймағы 60 мың гектар жерді құрайды. Мұндағы табиғи байлықты қалпына келтіру үшін кемінде 30-40 жыл дейді мамандар. Семей орманы бойынша қазір қылмыстық іс тексеріліп жатыр. Осы қылмыстық істі тергеу аясында өз міндеттеріне жауапсыз қараған, соның салдарынан өзіне жүктелген міндеттемелерді орындамаған, осындай қайғылы оқиғалар мен азаматтардың қаза болуына әкеп соққан барлық лауазымды адамдар іске тіркелген.
Биыл қамыс екінші рет өртеніп отыр. Бір апта бұрын ғана Алматы облысы Іле-Балқаш резерватында шамамен 6200 гектар қамыс өртеніп кеткен болатын.
MalimBlocks
Зауыттағы апат: Ерлан Нығматулин өндіріс нысанын қандай ақшаға салды?
Өткен аптаның соңында Қарағанды YDD Corporation ферроқорытпа зауытында қайғылы жағдай орын алды. Өндіріс орнындағы №1 пеш өртеніп, сегіз жұмысшы зардап шеккен. Өкінішке қарай, 25-шілде күні алған жарақаты салдарынан екі адам қайтыс болды.
