Алматы зообағы Instagram желісінде зообақта мекен ететін аюлар Герда мен Құрманбектің төлдері дүниеге келгенін хабарлады.
29 желтоқсанда туған қонжықтардың жынысы әлі белгісіз. Себебі әлі анасының қасында. Жынысы анықталған соң ат қоюға байқау жариялау жоспарланып отыр.
«Қазір Гердаға лайықты мөлшерде азық берілуде. Оның сүйікті қорегінің ішінде – жеміс-жидек, ет, балық, ботқа, нан, жарма, түрлі витамин бар. Қазіргі уақытта Герда қонжықтарымен бірге өзінің апан-үйшігінде. Ол кішкентай аюларды қызметкерлерге де көрсеткісі келмей, бауырына басуда. Күн жылына бастағанда және қонжықтар кішкене өсіп-жетілгенде Герда оларды даладағы қоршауға шығарады», – делінген Алматы зообағының хабарламасында.
Герда бұған дейін 2 рет егіз қонжық төлдеген. Оларға Ник, Нельсон, Кенай, Кода деген ат қойылған.
Фото: Ашық дереккөзден
Байланысты жаналықтар
MalimBlocks
