Сауда министрлігі Алматыдағы «Алтын Орда» базарының иесі кім екенін айтты.
Министрлік хабарлауынша, базарға «KURYLYS LTD» ЖШС иелік етеді. Ал оның құрылтайшысы әрі жетекшісі — Болат Назарбаев, экс-президенттің інісі.
Жалпы базардың сауда аумағы 218 151 шаршы метр, тауар айналымы айына 147 млн теңге болады. Базарда 5050 сауда орны бар, оларды 45 440 адам жалға алады. Орташа жалға алу бағасы — 42 500 теңге.
Айта кетейік, 8 ақпан күнгі үкіметтің кеңейтілген отырысында Президент Қасым-Жомарт Тоқаев "Алтын Орда" базары мәселесіне тоқталып, Алматы қаласы мен маңындағы елді мекен тұрғындары көп пайдаланатын базарға "тәртіп" қажет екенін айтты.
Алматы қаласы мен Алматы облысының әкімдеріне үкіметпен бірлесіп, базарға тәртіп орнатуды тапсырамын. Бұл жер пайдакүнемдер үшін нағыз майшелпекке айналды. Бұған Алматыдағы қаңтар оқиғасы кезінде анық көз жеткіздік. Бұл басқа өңірлерге де қатысты мәселе. Қажет болса, бұл жұмысқа құқық қорғау орган өкілдері атсалыссын. Екі ай уақыт беремін, – деді Тоқаев.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
