Қорғаныс министрі Руслан Жақсылықов Отан алдындағы борышын өтеуге аттанған сарбаздар арасында неге өлім-жітім жиілеп кетті деген сұраққа жауап берді.
"Біріншіден, мұндай жағдайлар көп емес. Екіншіден, сіздер білесіздер, мемлекет басшысы әр жағдайды егжей-тегжейлі анықтауды тапсырды, біз комиссия құрдық. Ең алдымен біз мұның себебін түсінуіміз қажет: жастар неге өз-өзіне қол жұмсайды? Бұған тек армия кінәлі емес қой", - деді Жақсылықов журналистер сауалына.
Артынша министр әскери қызметкерлердің өмірі үшін жауапкершілік командирлерге жүктелетінін атап өтті.
"Бірақ адам әскерге азаматтық қоғамнан пісіп-жетіліп, өз проблемаларымен бізге келіп отыр. Біздің міндет – осы проблемаларды барынша жойып, оны әскери қызметтен өтуге бейімдеу. Өйткені армияның басты мақсаты – жас ұрпақты дайындау, оған жауынгерлік міндеттерді орындау үшін әскери-қолданбалы дағдыларды сіңіру, солай емес пе?", - дейді министр.
Министр сөзінше, комиссия құрамына қарулы күштердің жетекші мамандары кірген. Сонымен қатар, білікті психологтар, әлеуметтанушылар тартылған.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
