Браконьерлікке жұмыссыздық себеп пе?

Malim Админ

  • 11.04.2020

Батыс Қазақстан, Қостанай, Қызылорда облыстарында браконьерлер киікті қоғадай жапырып, обал-сауап, заң-зәкүнді аттап-бұттап, білгенін істеп жатса, Шығыс Қазақстан облысындағы браконьерлер балықты заңсыз аулап, мемлекеттке шығын келтіріп жатыр. Бір ғана Күршім ауданында заңсыз балық аулаған үш ер адам ұсталған.

Шығыс Қазақстан облысының Полиция департаменті аудандық прокуратура өкілдері мен тәртіп сақшылары бірлескен рейд барысында «Құйған-Күршім» тасжолында «Нива» көлігін тоқтатқан. Тексеру кезінде, 24 жастағы ер адам 391 келі балықты заңсыз тасымалдаған. Осының салдарынан мемлекетке 529 000 теңгеден астам материалдық шығын келген. «Сонымен қатар 8 сәуір күні Бұқтырма су қоймасында тыйым салынған аумен балық аулаған екі браконьер ұсталды. Олар Күршім ауылының 46 және 50 жастағы жұмыссыз тұрғындары болып шықты. Ер адамдардан жалпы салмағы 236 келі тартатын, 488 000 теңгенің балығы тәркелінді», - деп Шығыс Қазақстан облысының полиция департаментінің қызметкерлері.

Қазіргі уақытта полиция қызметкерлері аталған фактілер бойынша тергеу амалдарын жүргізіп жатыр. Сонда заңсыз балық аулауға жұмыссыздық себеп пе? Оның үстіне тыйым салыған қытайлық аумен балық аулаған. Ол ау суда қалатын болса, оған жақындап кеткен балықтың бәрін ұстап қалады. Өлтіреді. Ол табиғатқа зиян. Екіншіден рұқсат етілген уақытта, рұқсат қағазбен балық аулауға әбден болады ғой. Біздің ел осында йбір тәртіпке үйрене алмай жатқандай. Әйтпесе, қасқыр атып жүрген аңшыларың өзі рұқсат қағаздарын алып, ең алаңсыз аңға шығып жүрген жоқ па?!

Оның үстіне, естеріңізде болса, Мемлекет басшысының тапсырмасымен браконьерлерге жаза күшейтілген болатын.

Былтыр жылдың соңында Қазақстан Республикасы Бас Прокурорының орынбасары Марат Ахметжанов браконьерлік қылмысы үшін жазаны күшейту шараларын түсіндірген болатын.

Мемлекет басшысы қол қойған Қылмыстық, қылмыстық-процестік заңнаманы жетілдіру бойынша Қазақстан Республикасы Заңы арқылы заңсыз аң аулау (Қылмыстық Кодекстің 335-бабы) және заңсыз балық аулау (Қылмыстық Кодекстің 337-бабы) теріс қылықтан ауырлығы орташа қылмыстар санатына ауыстырылды. «Аталған фактілер үшін 4 жылға дейін бас бостандығынан айыру, 10 млн теңгеге дейін айыппұл салу қарастырылған. Қорықтағы балықтардың сирек кездесетін түрлеріне және Қызыл кітапқа енгген жануарларды заңсыз аулау үшін 6 жылға дейінгі мерзімге бас бостандығынан айыруға, ал қылмыстық топтың құрамында немесе аса ірі мөлшерде қылмыс жасалса – 10 жылға дейінгі мерзімге бас бостандығынан айыру көзделген», - деген еді Марат Ахметжанов Қазақстан Республикасы Президенті жанындағы Орталық коммуникациялар қызметінде өткен баспасөз мәслихатында.

Сонымен бірге, қылмыс құралдарын, көлік құралдарын және браконьерлердің мүлкін міндетті түрде тәркілеу енгізіледі. Айта кетейік, Марат Ахметжанов еліміздегі қылмыс ахуалы туралы, сондай-ақ қылмыстық, қылмыстық-процестік заңнаманы жетілдіру бойынша Қазақстан Ресбуликасы Заңын түсіндірген.

Заңға Қасым-Жомарт Тоқаев 2019 жылдың 28 желтоқсанында қол қойып, ол 2020 жылдың 1 қаңтарында күшіне енген болатын.

Ендеше бұл еркінсу бұрынғы заңсыздықтың инерциясы деп қабылдасақ та болатын шығар мүмкін. Енді аяқ тартып, тоқсауы тиіс.

Байланысты жаналықтар

Батыс Қазақстан облысында төтенше жағдай жарияланды

27.03.2024

Қаржы пирамидасына БҚО тұрғындары 769 млн теңгеге алданған

18.07.2023

Батыс Қазақстанның бірнеше ауданы өртеніп жатыр

11.07.2023

Қираған жаңа көпір, БҚО шенділерінде үн жоқ

04.07.2023

Жұмыссыз ауыл тұрғындары жолды жауып тастады

30.06.2022

Шығысқазақстандықтар алтын өндіретін комбинат салуға қарсы

24.06.2022
MalimBlocks
Батыс Қазақстан облысында төтенше жағдай жарияланды

БҚО-да 27 наурызда жергілікті ауқымдағы табиғи төтенше жағдай жарияланды, деп хабарлайды Malim.kz.

Қаржы пирамидасына БҚО тұрғындары 769 млн теңгеге алданған

Батыс Қазақстан облысында «Chia Tai Pharmaceutical» компаниясының өкілдері тұрғындардың 769 млн теңге қаржысын жымқырған. Күдікті ұсталып, сот санкциясымен екі айға қамауға алынған.

Батыс Қазақстанның бірнеше ауданы өртеніп жатыр

Батыс Қазақстан облысының бірнеше ауданында өрт шығып  250 тұрғын эвакуацияланды. 

Қираған жаңа көпір, БҚО шенділерінде үн жоқ

БҚО-да екі мемлекеттік мекеме тұрғанның шағымын елемей отыр.  

Жұмыссыз ауыл тұрғындары жолды жауып тастады

Тұрғындардың басым бөлігі  мұнай саласына жұмысқа орналастыруды талап етті

Шығысқазақстандықтар алтын өндіретін комбинат салуға қарсы

Су қоймасындағы балық саны азайып, Күршім өзеніне қауіп төніп тұр