Статистикалық мәліметтің дерегінше, 2021 жылдың қаңтар-ақпанында тұрғын үй құрылысы бойынша 1 893 000 м2 астам тұрғын үй пайдалануға беріліпті. Бұл 2020 жылдың алғашқы екі айымен салыстырғанда 12,8 пайызға артық.
Квадрат метрді пәтер санымен айтсақ, осы аралықта елде барлығы 15 807 тұрғын үй пайдалануға берілген. Оның 5 487-сі жеке үй. Пәтер беру қарқыны барлық аймақта ілгері. Ал тұрғын үй құрылысына салынған инвестиция 231,2 млрд теңге болыпты. Бұл сан да өткен жылмен салыстырғанда 36,5 пайызға жоғары.
Үкімет алдағы уақытта қалалық жерлердегі тұрғын үй құрылысын ғана емес, аудандағы құрылыстың қарқынын күшейтпек. Осы мақсатта индустрия және инфрақұрылымдық даму министрлігі республикалық бюджеттен аудан құрылысын жандандыруға 14,3 млрд теңге субцидия сұрау салып отыр. Оі шешімін тапса, бұл субцидия қалай жүзеге аспақ? Ресми дерек бойынша, елдегі 76 ауданда 2 855 тұрғын үйге (285,5 мың шаршы метрге) сұраныс, қажеттілік бар екен. Міне, осы сұранысты өтеу үшін мемлекет ауылда тұрғын үй салу тетігін енгізбек. Яғни, ауылда жұмыскерлер үшін тұрғын үй салған жұмыс берушінің шығындарының 50 пайызын мемлекет субсидияламақ. Бірақ, бұл жоспарды жүзеге асыру үшін тұрғын үй саясатының жаңа тәсілдерін жүзеге асырудағы қолданыстағы заңнамаға өзгерістер мен толықтырулар енгізуі жайы пысықталып жатыр.
Ал үкімет айтып отырған нұсқа бойынша, тұрғын үй құрылысын субсидиялау тетігі «Нұрлы жер» мемлекеттік бағдарламасы аясында жүзеге асырылмақ. Ол үшін құрылыс салушылар мемлекет бекіткен бір типті үйлерді ғана салуы тиіс. Яғни, үйдің жалпы көлемі 80 шаршы метрден аспауы керек. Ал ондай үйдің құны 8,4 млн теңгеден жоғары болмауы шарт. Бір айта кетерлігі, президент «Нұрлы жер» бағдарламасы арқылы жергілікті жерлерде тұрғын үй құрылысы мен инфрақұрылымдар құрылысын жандандыруға айрықша тапсырма берген болатын.
Байланысты жаналықтар
MalimBlocks
