Инвестиция: Балмұздақтан- азық-түлікке

Malim Админ

  • 10.03.2021

Қазақстандықтарға балмұздағымен танылған «Шин-Лайн» компаниясы енді қамыр ашытып, түрлі азық-түлік өнімдерін өндірмек. Бүгін осы компания Алматы облысы әкімдігімен меморандумға отырды.  Қазақстан Республикасы индустриалды-инновациялық даму мемлекеттік бағдарламасының механизмдерін тиімді қолдану жолындағы бұл меморандум бойынша, Алматы облысының Байсерке ауылында азық-түлік және балмұздақ өндіретін кәсіпорындар кешені салынбақ. Сондай-ақ, «Даму» логистикалық орталығының өндіріске іргелес аумағын аббатандыру үшін ірі инвестициялық жоба іске аспақ.  Жоспардағы осы өндіріс кешені іске қосылғанда,  яғни, 2024 жылға қарай тәулігіне 350 тонна өнім шығармақ. Ал оған дейін құрылыстың бірінші кезеңіндегі жобалық қуаты жылына 21 500 тонна өнім болмақ. Жобаның жалпы құны 33,4 млрд теңге. Кешен құрылысы 17 гектар.

Бұл кешенде аймақтағы ең заманауи балмұздақ өндірісі ғана шоғырланбайды,  сондай-ақ мұнда сүт өнімдері, мұздатылған жартылай дайын өнімдер, қамыр, әр алуан кеспе түрлерінің өндірісі ашылмақ. Сөйтіп, аумақтың дамуына, өңірдің индустриялық-инновациялық дамуына серпін бермек.

Алматы облысының әкімдігі «Шин-Лайн» компаниясымен жаңа өндірістік кешен салу жобасын жүзеге асыруға, мемлекеттік және аймақтық даму бағдарламаларын тиімді жүзеге асыруға дайынбыз деп отыр. Алматы облысының әкімдігі кәсіпорынға мемлекеттік органдармен әрекеттесуді, мемлекеттік бағдарламаларға қатысу үшін қажетті консультациялық қолдау көрсетуді, сондай-ақ іске қосылған және болашақта жаңа өндіріс құрылысында пайдаланылатын жер ресурстарына және инженерлік инфрақұрылымға қолжетімділікті қамтамасыз етпек. Ал «Шин-Лайн» компаниясы облыстық әкімдікке құрылыс барысы туралы ақпарат беруді, өндірісті қаржылық және стратегиялық дамыту бойынша іс-шаралар жоспарлауды және мемлекеттік органдармен қажетті әрекеттестік ұйымдастыруды өз мойнына алмақ.

Алматы облысының әкімі Амандық Баталов азық-түлік өндірудің стратегиялық саласында жаңа отандық ірі инвестордың пайда болуын құптап, өңірде қолайлы инвестициялық жағдай қалыптасқанын атап өтті: «Бүгінгі таңда Алматы облысының инвестициялық  портфелінде 44 мың жұмыс орнын құрумен жалпы құны 5,4 трлн теңгелік 546 жоба бар. Біз ірі ұлтаралық компаниялармен де жұмыс істейміз. Бізде олармен бірлескен 9 жоба бар, оның 3-уі жүзеге асырылды. Біз балмұздақ және азық-түлік өнеркәсібінің көшбасшыларының бірі «Шин-Лайн» компаниясымен ынтымақтастықты бастауға қуаныштымыз. Осындай ауқымды жобаны жүзеге асыру Іле өңірі мен жалпы аймақ экономикасына оң әсерін тигізеді. Өйткені, жаңа өндіріс дегеніміз - азық-түлік қауіпсіздігі, тұрақты жұмыс орындары, бюджетке салық түсімдері. Біз өз тарапымыздан қажетті қолдау көрсетеміз.  Сондай-ақ, біз «Қорғас - Шығыс қақпасы» арнайы экономикалық аймағының аумағында логистикалық орталық ашуға көмектесе аламыз»».

Жалпы, Алматы облысында ауылшаруашылық өнімдерін қайта өңдеу саласында 373 кәсіпорын бар. Барлығы 2020 жылдың соңына таман 8% өсіммен 281,2 млрд.теңге көлемінде азық-түлік өндірілді.

«Шин-Лайн» компаниясының президенті Андрей Шин Алматы облысында жаңа өндіріс орнын құру компанияның ішкі нарықтағы барлық тауарлық санаттағы позициясын нығайтуға және «Шин-Лайн» өнімдерін және сәйкесінше қазақстандық тауарларды экспорттық нарықтарда кең көлемде ұсыну үшін плацдарм жасауға мүмкіндік беретінін айтып өтті.

Байланысты жаналықтар

Alem.ai халықаралық жасанды интеллект орталығы биыл ашылады

17.03.2025

Елдегі зейнетақы қоры 285 млрд теңге инвестициялық шығынға ұшырады

25.02.2025

Олжас Бектенов әкімдер мен министрлерге жаңа міндет қойды

20.02.2025

«Бюджет тапшылығы бар»: Тоқаев инвестиция тартуды тапсырды

28.01.2025

Мемлекет басшысы Азия даму банкінің президенті Масацугу Асакаваны қабылдады

08.11.2024

Шымкенттің инвестициялық тартымдылығы артып келеді

21.10.2024
MalimBlocks
Alem.ai халықаралық жасанды интеллект орталығы биыл ашылады

Елдегі зейнетақы қоры 285 млрд теңге инвестициялық шығынға ұшырады

Олжас Бектенов әкімдер мен министрлерге жаңа міндет қойды

«Бюджет тапшылығы бар»: Тоқаев инвестиция тартуды тапсырды

Бірнеше облыста тікелей шетел инвестициясын тарту қарқыны төмендеген

Мемлекет басшысы Азия даму банкінің президенті Масацугу Асакаваны қабылдады

Банк 1994-2024 жылдар аралығында Қазақстанда жалпы сомасы 7 млрд долларға жуық жобаларды қаржыландырды

Шымкенттің инвестициялық тартымдылығы артып келеді

2023 жылдың қорытындысы бойынша қала экономикасына 661,7 млрд теңге инвестиция тартылып, өнеркәсіптік кәсіпорындар шығарған өнім көлемі алғаш рет 1 трлн теңгеден асты