Кәсіптік бағдар беру – қоғамның қажеттілігіне қарай барлық білім алушының қажеттілігі мен бейімділігін, ынта-жігерін ескере отырып, кәсіпке қызығушылығын қалыптастырып, сонымен бірге, болашақ мамандығын саналы түрде таңдауға көмектесуге бағытталған жұмыс. Кәсіптік бағдар бере отырып, балаға болашақ мамандығын таңдауға ықпал жасау. Ол істі ара-тұра мектепішілік шаралар арқылы немесе түлектерге түсінік жұмысы ретінде ғана жүргізуге болмайды.
Кәсіптік бағдар беру шараларын оқу жылының басында оқу бағдарламаларына енгізіп, бағдар беру жұмысының жоспарын құрып, бекіту жұмыстарын жүйелі жүргізу керек. Мақсаты болашақ талапкерлер ішінен оқу орнына түсер алдында сапалы таңдау жасап, мамандық жайлы толыққанды түсіндіріп, насихаттау, мектепте оқу бағдарламалары арасында кәсіби бағдар жүргізудің жүйесін құру.
Осы орайда 28-сәуір күні Ы.Алтынсарин атындағы Ұлттық білім академиясының ұйымдастыруымен өтетін «Орта білім ұйымдарында кәсіптік бағдар беру жұмысын жетілдіру» республикалық ғылыми-практикалық конференциясы жоспарланды.
Педагогтер – кәсіптік бағдар берушілер мен білім алушылар арасында кәсіптік бағдар беру жұмысы бойынша үздік тәжірибелер мен әдістерді ұсынады.
Тақырыптық секциялар жоспары: Кәсіптік бағдар берушінің жұмысын жоспарлау және кәсіптік бағдар берудің тиімділігін бағалау, олардың болашақ мамандықтары мен мамандық таңдаудың психологиялық аспектілері, мектеп оқушыларын кәсіби бағдарлау: қолжетімділік пен инклюзивтілік.
Кәсіптік бағдардың білім алушы үшін атқарар рөлі өте зор. Кәсіби бағдар жұмысы болашақ маман иелеріне өзіне лайық мамандық таңдай алу үшін бағытталған.
Сондай-ақ, кәсіптік бағдар жұмысының маңызы заманауи кәсіптік білім беру жүйесін дамыту мен білікті мамандарды дайындау үшін қарастырылған. Сол себепті, білім беруде кәсіптік бағдар беру жұмысын жүйелі, мақсатты орындаған кезде көптеген жетістіктерге жететініміз анық.
Байланысты жаналықтар
MalimBlocks
