Биыл қостанайлық төрт полиция пара алудан бас тартты. Бұл туралы арнайы брифингте Қостанай облыстық ПД-нің ішкі қауіпсіздік басқармасының басшысы полковник Жәнібек КАМЗЕНОВ мәлімдеді.
Арнайы рейд өткізген ішкі қауіпсіздік басқармасы полицейлерге төрт пара беру фактісін анықтаған. Қостанай қаласының тұрғындары көліктеріне тонировка жасатқаны үшін ұсталған кезде пара ұсынған. Тағы екі жүргізуші жылдамдықты асырғаны үшін әкімшілік жазадан құтылмақ болып пара берген екен.
Бұл фактілерге қатысты сотқа дейін тергеу жұмыстары жүріп пара ұсынған жүргізшілерге айыппұл салынған. Бұдан бөлек басқарма полицейлердің қылмысқа бармауы үшін алдын ала шараларды да қолға алады екен.
«Соңғы кезде полицейлер арасында қылмыс азайып келеді. 2018 жылы әріптестерімізге қарсы 50 қылмыстық іс қозғалса, 2019 жылы 69 пайызға азайды. Яғни 29 қылмыстық іс тіркелді. Биыл 2020 жылы полицейлер арасындағы қылмыс 82 пайызға азайып, бар-жоғы 9 факті анықталды», - деді полковник Камзенов.
Фото: arnapress.kz
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
