Полиция нағыз құқық бұзушыларды көрмей, неге мені көре қалды? – Еңбегін даулап, қамауға түскен жігіттің әңгімесі

Келісімшартта «8 сағат жұмыс істеу керек» деп көрсетілген

Олжас Қасым

  • 05.10.2022

Кранның басына шығып, еңбекақысын сұраған Бекмұрат Саматов қамауға алынған. Ол Астанадағы Тәуелсіздік 34/2 көшесіндегі құрылыс алаңында осындай әрекет жасаған. Бұл жөнінде Malim.kz арнайы хабарлаған да болатын. Әділдікті талап етемін деген азамат бұл қамаудың себебін түсінбей дал. Айтуынша, оны Алматы ауданаралық соты «әкімшілік тәртіпті бұздың» деп қамап тастаған. «Ал келісімшартты бұзып, құқығымды таптағандарға сот саусағының ұшын да тигізген жоқ», дейді ол.


Бекмұрат «БурМонтаж Ақтөбе» жауапкершілігі шектеулі серіктестігінде  (басшысы Ногай Святослав Петрович) краншы болып жұмыс істеген. Құрылыс саласымен айналысады.

«Биылғы қаңтардан бері тоғыз айдай уақыт болыпты еңбек етіп жүргеніме. 26 тамыз күнінен 27 күнгі 05-ке дейін бетон қабылдадым. Ал бізге жұмысты бірнеше сағатқа артық істегеніміз үшін ақша төленуі керек болатын. Сағатына 2 жарым мың теңге берілуі керек.  Айдың соңы ғой, «тиесілі ақшамызды беріңіз десем, төлемейміз», дейді. Жұмыс істеткенде сондай. Дәл сол күні 27 тамызда және қалада қатты жел соғып тұрды. Ондай кезде кранға шығуға болмайды. Ал бастығымыз сол еңбекті ескермей, «сол күні сен демалдың», деп, еңбекақымды төлеуден бас тартты. 26-сы күні 20 сағат суықта жоғарыда дірдектеп отырдым», - дейді шағымданушы. 

Бекмұраттың айтуынша, келісімшартта «8 сағат жұмыс істеу керек» деп көрсетілген. «Ал біз 11 сағат еңбек етеміз. Негізі 11 сағаттық режимде жүруді құптағанбыз, бірақ жұмыс уақыты одан асып кетсе қосымша ақы төленсін деп келісімге келгенбіз», - дейді Б.Саматов.

Бекмұрат басшылықпен түсінбестік  қалай болғанын да айтып берді.  Таңертең жұмысқа келген оны  басшылық статья бойынша жұмыстан шығарып жіберген.

«Мен арамызда өзара  келісімшартымыз бар екенін естеріне салдып, «қалай жұмыстан шығарасыңдар?» деп сұрадым. Олар «келісімшарт қысқа мерзімге берілген. Уақыты болса өтіп кетті», деді. Заңды белінен басқан соң күйініп жоғарыға шықтым. Кранның үстінде тұрып өзімнің талабымды қойдым. Әйтпесе «менің дауысым ешкімге жетпейді». Сонымен мені осындай жағдайға жеткізген үшін кранға шығып, келісімшарттағыдай, еңбегімді талап еттім».

Алайда құрылысшының еңбекақысын төлеудің орнына Сот оны жауып тастаған. Ол бірінші күні Алматы аудандық полиция басқармасы жақта, екінші тәулікте Жетіген деген жерде қамауда отырған. 4 тамыз күні болады деген сот та сол күні өтпей қалған. Саматов абақтыдан 4 тамызда сағат 11:30-да шыққан.

Қазір Бекмұрат еңбегін даулап  Еңбек инспекциясына барып жүр. Шағымданушы өзінің әрекетін әкімшілік құқық бұзушылық санамайды

«Сол жақта менің ісіммен айналысып жатқан маманмен кездесіп, қаңтардан бері істеген қосымша жұмыстарымды есептеткізіп жатырмын. Құрылыс компаниясының директоры, бухгалтер бәрін шақырдық. Артық жұмыс істеген күндерімізді санаймыз. Нағыз құқық бұзушыларды көрмей, полиция неге мені көре қалды? Егер мен осылай талабымды қоймасам, еңбегіміздің желінгеннің үстіне желіне береді», - дейді ол.

Айта кетейік, құрылыс саласындағы жұмыскерлердің еңбекақысын төлемеу фактілері жиі көтеріледі. Жақында ғана Астанада 10 жыл бойы жалақысын алмаған құрылысшылар шағымын айтып, полицияға жүгінген. Алайда, Бекмұрат секілді олардың да арыздары қабылданбай, сан соғып қалды. Ішкі істер министрінің атына арыз жазғанымен, нәтиже жоқ. Одан бөлек ЭКСПО-ны салған 400 маман ақысын даулап, еңбегін ала алмай жүргенін айтып, шу көтерді. Оның да соңы сиырқұйымшақтанып кеткен. Еңбегі еленбеген, әбден ашынған жұмыскерлердің жолды жауып, шеруге шығып жатқанына да көз үйреніп кетті. Дегенмен, әй дейтін әкім, қой дейтін құқық қорғаушылар болмаған соң олар ойына келгенін істемей қайтсін?!

Байланысты жаналықтар

DALA INSIDE арнасы Үкімет пен халықаралық ұйымдарға үндеу жолдады

19.02.2024

Мырзахметовтің ісі бойынша сот процесі басталды

22.01.2024

Саланы жетік білмеген журналист жиі қателеседі

09.12.2023

Самат Әбішті бұлтартпау шарасы өзгермеген

30.11.2023

Абылай Мырзахметовтің қамау мерзімі 10 желтоқсанға дейін ұзартылды

27.11.2023

Адвокатты соққыға жыққан Тұрлыхановтың ұлына қандай үкім шықты?

09.10.2023
MalimBlocks
DALA INSIDE арнасы Үкімет пен халықаралық ұйымдарға үндеу жолдады

Қысымға тап болғанын хабарлайды және мұндай жағдайға алаңдаушылық білдіреді

Мырзахметовтің ісі бойынша сот процесі басталды

“Атамекен” ұлтттық кәсіпкерлер палатасының бұрынғы төрағасы Абылай Мырзахметовтің ісіне қатысты сот отырысы басталды. Бұл істі қарап жатқан прокурор Бауыржан Шекенов сотты жабық режимде өткізуге өтініш берген.

Саланы жетік білмеген журналист жиі қателеседі

Сот жұмысы – қоғам үнемі назарында ұстайтын, қызығушылықпен бақылайтын маңызды сала. Халықтың пікір-ұсынысын ескере отырып ақпарат таратын журналистердің бұл салаға қалам тербемегені аз.

Самат Әбішті бұлтартпау шарасы өзгермеген

Ешқайда кетпеу жөніндегі бұлтартпау шарасы өз күшінде

Абылай Мырзахметовтің қамау мерзімі 10 желтоқсанға дейін ұзартылды

"Атамекен" ұлттық кәсіпкерлер палатасының экс-басшысы Абылай Мырзахметов 10 желтоқсанға дейін қамауда отырады. Бұл туралы Астана сотының баспасөз қызметіне сүйенген жергілікті ақпарат құралдары жазды.

Адвокатты соққыға жыққан Тұрлыхановтың ұлына қандай үкім шықты?

Алматы әскери соты мәжіліс депутаты Дәулет Тұрлыхановтың ұлы Нұрасыл Болатқа үкім шығарды. Сот оған 1 млн 700 мың теңге айыппұл салды.