Қорғаныс министрлігі ескертеді: әскери техника тасымалданады
Қорғаныс министрлігі жақын арада түрлі әскери техника тасымалданатынын ескертті. Бұл жауынгерлік дайындық,- деп хабарлады баспасөз қызметі.
Әскери техника маршпен және теміржол арқылы жөнелтілмек. «Әскерді даярлау жоспары аясында жауынгерлерді даярлау сабақтары өтуде. Бөлімшелер әскери техникада маршпен және теміржол арқылы республикадағы оқу-жаттығу полигондарына жіберіліп, практика жүзінде жауынгерлік дайындық тапсырмаларын орындайды және оқу-жаттығулар түнде де өткізіледі», - деді департамент.
Сондай-ақ олар бөлімшелердің тапсырма орындаудағы үйлесімділігі мен қабілетін, әскери қызметкерлердің дайындығын және командирлердің бөлімшелерді басқару қабілетін бағалайтын болады.
«Осыған байланысты біз азаматтардан әскери техникаға байланысты қауесетке сенбей тек ресми ақпарат көздеріне сенуді сұраймыз», - деп толықтырды Қорғаныс министрлігі.
Бұған дейін әлеуметтік желілерде Батыс Қазақстан облысындағы Орал-Ақсай тас жолы бойымен Ресейге әскери техника тасымалданғаны туралы ақпарат тарағанда Қорғаныс министрлігі ақпаратты жоққа шығарып, бұл техникалар үшінші елдің меншігі екенін және халықаралық келісімдер аясында Қазақстан аумағы арқылы Ресейге жоспарлы жөндеуге өткенін айтқан болатын.
Ал 2023 жылдың ақпанында Украинаға әскери техника жөнелтілгені туралы әлеуметтік желілерде пайда болған ақпаратты да Қорғаныс министрлігі видеоның ескі, мұрағаттан алынған деп жоққа шығарған.
Байланысты жаналықтар
MalimBlocks
