Қуғын-сүргін құрбандарына 1,3 млрд өтемақы беріледі 

2003 жылдан бастап біржолғы ақшалай өтемақы төленеді

Malim Админ

  • 31.05.2022

Елімізде  саяси қуғын-сүргін құрбандарына 1,3 миллиард   теңгеден аса өтемақы  беріледі.  Бұл туралы Еңбек және халықты әлеуметтік қорғау министрлігінің баспасөз қызметі хабарлады. 

Ведомство дерегінше, 2003 жылдан бастап Қазақстандағы саяси қуғын-сүргін құрбандарына біржолғы ақшалай өтемақы және арнайы мемлекеттік жәрдемақы ретінде 16,1 миллиард теңге төленді. Биыл бұл мақсатқа 1,3 миллиард теңгеден аса қаржы қарастырылып отыр.

1921-1954 жылдар аралығындағы кезеңде "халық жауларын" анықтау саясаты салдарынан Қазақстанда 100 мың адам сотталған, оның 25 мыңы ең жоғары жазалау шарасы - ату жазасына кесілген.

Миллиондаған қазақстандық 1932-33 жылдары ашаршылық құрбаны болған. Қуғын-сүргін жылдары Қазақстан лагерьлеріне 5 миллионнан аса адам жер аударылған.  

Қолданыстағы заңнамаға сәйкес,  қуғын-сүргін құрбандарына және саяси нәубеттен жапа  шеккен азаматтарға 2003 жылдан бастап біржолғы ақшалай өтемақы төленеді.    

2003-2021 жылдар аралығында республикалық бюджеттен 2,9 миллиард теңге сомасында біржолғы ақшалай өтемақы төленді. Өтемақы мөлшері 2 385 теңге мен  318 000 теңге  аралығында. 2022 жылы республикалық бюджеттен осы мақсаттарға 2,1 миллион теңге қарастырылған.  

Байланысты жаналықтар

"Қазақтелеком" мен "Кселл" дауы 22 миллон өтемақы төлеумен аяқталды

01.06.2021

Президент үндеуі: Қазақ шекарасына 100 жыл

30.05.2020
MalimBlocks
"Қазақтелеком" мен "Кселл" дауы 22 миллон өтемақы төлеумен аяқталды

Президент үндеуі: Қазақ шекарасына 100 жыл