Ерлан ТҰРҒЫМБАЕВ басқаратын Ішкі істер министрлігі (ІІМ) Қазақстан бойынша жемқорлық фактілері жиі тіркелетін мекеме. Бұл туралы бүгін Сыбайлас жемқорлыққа қарсы іс-қимыл агенттігі хабарлады.Агенттіктің Превенция департаментінің басшысы Анар ЖАРОВА агенттіктің баспасөз орталығында өткен брифингте сыбайлас жемқорлық бойынша көш бастап тұрған салаларды атады.
Министрліктер ішінде ең көп пара алу фактісі тіркелетін орталық – ІІМ болып шықты. Онда бір жыл ішінде 297 жемқорлық фактісі тіркелген. Бұл өзгелердің көрсеткішінен бірнеше есе көп. Мәселен, жаман атымен екінші орында тұрған Қаржы министрлігінен 6 есе көп. Ретімен баяндасақ, Қаржы министрлігі – 49; Қорғаныс – 29; Индустрия және инфрақұрылымдық даму – 20; Ауыл шаруашылығы – 19 жемқорлық тіркелген. Департамен басшысы атап айтқандай, «бұл қылмыстар министрліктердің аумақтық бөлімшелерінде немесе ведомстволық бағынышты ұйымдарында жасалыпты».
«Құқықтық статистика органдарының мәлімдеуінше, 2019 жылы сыбайлас жемқорлық қылмыстары үшін 1002 адам сотталды, бұл 2018 жылғы көрсеткіштен 7%-ға аз. Олардың арасында орталық мемлекеттік органдардың қызметшілері (515), жергілікті атқарушы орган қызметкерлері (261), квазимемлекеттік секторда (37) және өзге де тұлғалар (189) бар», – дейді Жарова.
Сондай-ақ, полициясы жемқор қалалардың тізімін елорда (42) бастап тұр. Одан кейін Алматы (26), Шымкент (23) қалалары мен Жамбыл облысы(19) тұр.Құрылғанына көп бола қоймаған Түркістан облысы жемқор әкімдіктерімен ерекшеленді.
«Әкімдіктер мен олардың құрылымдық бөлімшелерінің қызметкерлері арасында сыбайлас жемқорлық үшін сотталғандардың ең көп саны Түркістанда – 37, Шығыс Қазақстанда – 37, Жамбылда – 30, Ақмолада – 19, Алматы мен Қостанайда – 15, Атырау, Маңғыстау және Қызылорда облыстарында – 14», – деді хабарлады Агенттіктің Превенция департаментінің басшысы Анар ЖАРОВА агенттіктің баспасөз орталығында өткен брифингте.
Жарованың сөзіне қарағанда жергілікті атқарушы органдардағы сыбайлас жемқорлыққа қатысты қылмыстардың көбін білім беру саласының мамандары жасаған. Бұл бойынша бір жылда 54 факт тіркелсе, екінші орында жер қатынастары – 29; ауыл шаруашылығы – 27; сәулет және құрылыс – 25; тұрғын үй-коммуналдық шаруашылық – 19 факт тіркелген.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
