Беларусьтің Светлогорск қаласынан Житкович ауданына көшіп барған 36 жастағы әйел 83 жастағы қарияның тағдырын мүлде өзгертіп жіберген оқиғаның басты тұлғасына айналды, деп хабарлайды Malim.kz.
Әйел алғашында 61 жастағы жұмыссыз ер адаммен бірге тұра бастаған. Сол үйге оның 83 жастағы ағасы жиі келіп жүрген. Бір күні үшеуі ішімдік ішіп отырған кезде, үй иесі ұйықтап қалған сәтте әйел мен қария арасында жақын қатынас болған. Кейіннен әйел екі ағайындымен де қарым-қатынасын жалғастырыпты.
Уақыт өте келе 83 жастағы ер адамның денсаулығы күрт нашарлап, дәрігерлер оған АИТВ диагнозын қойған. Тексеру барысында вирус дәл сол әйелден жұққан болуы мүмкін екені анықталған. Себебі әйел өзінің диагнозын 2002 жылдан бері білгенімен, серіктестеріне бұл туралы айтпаған және ешқандай сақтық шараларын қолданбаған.
Алайда ең таңғаларлығы – екі ағайынды да әйелге қарсы шағым түсірмеген. Керісінше, кешірім беріп, онымен қарым-қатынасты жалғастыра берген.
Сот әйелдің әрекетін қасақана жасалған құқық бұзушылық деп тауып, оған үш жылға бас бостандығын шектеу жазасын тағайындады.
