Шымкентте терроризмді насихаттады деген күдікпен екі адам ұсталды
Олар желі арқылы терроризмді насихаттаған.
Бүгін ҰҚК прокуратура органдарының үйлестіруімен және полицияның көмегімен Шымкент қаласында екі тұрғын ұсталды. Олар әлеуметтік желі арқылы терроризмді насихаттағаны үшін күдікке ілінді.
«Тергеу материалдары бойынша ертеректе ұсталғандардың біреуі алыс шет елдерге шығып, шамамен сол жерде радикалды діни идеологияны қабылдаған», - делінген хабарламада.
Қылмыстық кодекстің 256-бабы 2-бөлігі бойынша сотқа дейінгі тергеп-тексеру жүргізілуде.
