Халықтың зейнетақы жинағы неге азайып жатыр?

Malim Админ

  • 18.04.2020

Соңғы күндері ел ішінде жинақтарының азаюына байланысты сұрақтар мен лаңдаушылық туып жатыр. Соған байланысты БЖЗҚ фейсбуктегі ресми парақшасында жауап берді.

"Соңғы күндері бізге – «Менің жинақтарымның сомасы неге азайып кетті?» – деген сауалдар көп қойылатын болып кетті

Мәселенің басын ашып алайық

Зейнетақы жинақтары – жарналар мен оларға есептелген инвестициялық кіріс сомасы.

Жарналар ешқашан азаймайды, олардың сақталуына мемлекет кепілдік береді. Жарналардың 3 түрі бар:
- міндетті зейнетақы жарналары (табыстың 10% )
- міндетті кәсіптік зейнетақы жарналары (табыстың 5%, оны жұмыс беруші өз қаражаты есебінен еңбек жағдайлары зиянды өндірістерде жұмыс істейтін қызметкерлердің пайдасына төлейді)
- ерікті зейнетақы жарналарын адам өз еркімен төлейді (ол кез келген сомада болады және төлеу кезеңділігін де өзі таңдайды)

Инвестициялық кіріс – зейнетақы жинақтары қаражатын инвестициялау нәтижесінде алынған табыс. Зейнетақы активтерін ҚР Ұлттық Банкі басқарады.

Зейнетақы жинақтары әртүрлі қаржы құралдарына (бағалы қағаздар, шетелдік валюталар және т.б.) инвестицияланады, олардың құны әлемдегі экономикалық жағдайға байланысты үнемі өзгеріп отырады. Сондықтан инвестициялық кіріс ұлғайып, азаюы мүмкін.

Инвестициялық табыс күн сайын есептелетін болғандықтан, зейнетақы жинақтарының жалпы сомасы да өзгеріп отырады. Сондықтан инвестициялық кіріс төмен болған кезде, зейнетақы жинақтарының сомасы азаяды, инвестициялық табыс жақсы болған кезде – зейнетақы жинағы да ұлғаятын болады.

Инвестициялау табыстылығын бірнеше күн сияқты аз уақыт емес, бір жыл тәрізді ұзағырақ уақыт үшін қарау керек екенін түсіну маңызды.

Жыл басынан бергі инвестициялық қызметтің нәтижелері оң үрдісті көрсетіп отыр - салымшылардың шоттарына 661,7 млрд теңгеден астам инвестициялық табыс есептелген. Ал бұл жыл басындағы көрсеткіштен 6% -ға және соңғы 12 айдағы табыстан 12% - ға жуық мөлшерге артық.

Құрметті салымшылар! «Қазақстан Республикасында зейнетақымен қамсыздандыру туралы» Қазақстан Республикасының заңына сай сіздердің жинақтарыңыз тек сіздердің меншіктеріңіз болып есептеледі!", - делінген жазбада.

Байланысты жаналықтар

Дело Блока и Смагула: жена осужденного на 11 лет адвоката рассказала подробности

19.04.2022

Казахстанцы «уложили» сайт ЕНПФ. Что происходит?

03.12.2021

Зейнетақы жинағын енді алты компания өзара бөліседі

17.02.2021

Қазақстанда халық кедейленіп барады

12.04.2021

Мемлекеттен төлем алатын азаматтардың тізімі кеңейтілді

29.03.2020

Зейнетақы есебінен қалай емделуге болады?

24.11.2021
MalimBlocks
Дело Блока и Смагула: жена осужденного на 11 лет адвоката рассказала подробности

Ирина Блок рассказала подробности дела ее супруга адвоката Александра Блока, осужденного на 11 лет лишения свободы по обвинению в мошенничестве и подстрекательстве к даче взятки, пишет КазТАГ.

Казахстанцы «уложили» сайт ЕНПФ. Что происходит?

Зейнетақы жинағын енді алты компания өзара бөліседі

Қазақстанда халық кедейленіп барады

Мемлекеттен төлем алатын азаматтардың тізімі кеңейтілді

Зейнетақы есебінен қалай емделуге болады?