Алматы әкімінің орынбасары Ержан Бабақұмаров жақын күндері қалада омикрон штаммы пайда болады деп күтіп отыр.
Жаңа штамның жастар арасында тарау ықтималдылығы жоғары екенін атаған ол екпе алып, ревакцинациядан өту маңызды екенін айтты.
“Әзірге біз әлі “жасыл” аймақтамыз. Вакцинация мен ревакцинациядан өту маңызды. Әуежайдағы бақылау күшейтілгеніне қарамастан, “Омикрон” қаламызға жақын күндері келеді деп күтіп отырмыз”, - деді Бабақұмаров.
Айта кетейік, бұған дейін Алматының бас санитар дәрігері Жандарбек Бекшин "омикрон" Алматыда да пайда болады деген болжамын бөлісіп, бұл тек уақыт мәселесі екенін айтқан еді.
“Омикрон” алғаш қарашада Оңтүстік Африка Республикасында анықталды. Соңғы мәліметке сәйкес, жаңа штамм жүзден аса елде тіркелген.
Оқи отырыңыз: Дәрігерлер қорғансыздың күнін кешіп жүр
Байланысты жаналықтар
MalimBlocks
