7 жасар қазақстандық әлем чемпионы атанды

Қазақстандық шахматшы Қайрат Абдул-Мәлік 7 жасқа дейінгі санатта шахматтан әлем чемпионы атанды, - деп хабарлайды Malim.kz тілшісі.

Қазақстан шахмат федерациясының мәліметінше, турнир Сербияның Врнячка-Баня қаласында өтті. Қайрат – өз жасында әлем чемпионы атанған алғашқы қазақстандық.

Соңғы турға дейін Абдул-Мәлік 8 ұпай жинап, өз қарсыласынан бір ұпайға озып кетті. Тікелей кездесуде ол үндістандық Ом Еш Готтумукаланы жеңді.

U7 санаты (31 қатысушы):

Абдул-Мәлік Қайрат (1601) – 8 ұпай;

Ом Еш Готтумукала (Үндістан, 1413) – 7 ұпай;
13–21. Айсұлтан Алмасұлы – 4 ұпай;

Мүслім Амраев – 2½ ұпай.

Енді қалған 10 жас санатында жүлдегерлер анықталады. Олардың жетеуінде қазақстандық жас шахматшылар жеңіске үміткер.

Еске салайық, былтыр шахмат чемпионаты Перудің астанасы Лима қаласында өткен болатын. Ол кезде Қазақстан екі медаль жеңіп алды: Айару Алтынбек 13 жасқа дейінгі қыздар (G13) санатында алтын алса, Қостанайлық Иман Нәби 9 жасқа дейінгі жалпы санатта (O9) қола жүлдегер атанған еді.

Фото: instagram.com/kzchessfederation