Бүгін сағат түнгі 02:00 шамасында «Ел билігі» қоғамдық қозғалысының құрылтайшысы, тарих ғылымдарының докторы, профессор Есенғазы ҚУАНДЫҚТЫҢ көлігі өртеніп кетті. Қоғам қайраткері бұл әрекет терракт, саяси белсенділігім үшін жасалған дейді.
«Түнгі екілер шамасында көлігім өртене бастады. Сегнализация іске қосылғанда киімімді киіп үлгермей өртпен алыса бастадым. Өрт сөндірушілер жарты сағататн кейін бірақ жетті. Көрші-қолаң болып өшірдік», - дейді Есенғазы Қуандық Malim.kz сайтының тілшісіне.
«Ел билігі» қозғалысы мүшесінің айтуынша, біреу автомашинасын қасақана өртеген. Жанармай тұратын бакқа жақын дөңгелекке бензин тамызып от тұтатқан.
«Көліктің багы тек іштен ашылады. Ал қылмыскер оны сыртынан ашып алған. Сегнализация шырылдап кеткен соң амалсыз отты дөңгелекке қойған. Бұл терракт. Менің саяси көзқарасым үшін жасалып отыр деп есептеймін. Мен сайлаушылар құқығы тапталғанын, Қазақстан халқы ассамблеясынан заңсыз депуттат болып жатқандар жайлы ашық айтып жүрмін», - дейді қоғам қайраткері Есенғазы Қуандық.
Тарихшының өртеніп кеткен көлігі 2011 жылғы Subaru. Қазір Алматы қаласы, Алмалы аудандық ішкі істер басқармасы бұл іске қатысты ҚК-тің 202-бабы бойынша қылмыстық іс қозғаған.
