Футболдан Қазақстан ұлттық құрамасы 2026 жылғы әлем чемпионатының іріктеу кезеңін сәтсіз бастады. Кардифф қаласында Уэльс құрамасына 1:3 есебімен есе жіберді. Матчтан кейін Қазақстан құрамасының бас бапкерінің міндетін атқарушы Әли Әлиев ойын туралы пікір білдірді, деп хабарлайды Malim.kz.
Уэльс бапкері Крейг Беллами допты ойынға жылдам қосуды үйретіп тастаған. Олар Черногориямен ойнағанда да қарқындарын жақсы арттырған. Сол кезде байқағанбыз. Мұның бәрін есте сақтап, барынша ұқыпты болу керек. Әр эпизодтан кейін өз позицияңа жылдам оралу маңызды. Сондықтан ойыншы әрдайым сақ болуы қажет. Тағы бір айта кетерлігі, бүгін жеңілгеніңмен, ертең қайта ойнағанда басым түсуге болады. Өйткені футбол бұл Бұл жоғалтқан ақшаңды қайтара алмайтын бизнес емес. Келесі ойында жеңіске жету қажет, сонда моральдық және эмоционалдық жағдайды қалпына келтіруге болады, – дейді Әли Әлиев.
Еске салайық, Қазақстан құрамасы 2026 жылғы әлем чемпионатының іріктеу турниріндегі екінші матчын наурыздың 25-інен 26 қараған түні Вадуцта Лихтенштейнмен өткізеді.
