Михаил Шайдоров мәнерлеп сырғанаудан Гран-приде екінші орын алды
Ол енді еркін бағдарлама сынына қатысады
Мәнерлеп сырғанаудан Қазақстан құрамасының көшбасшысы Михаил Шайдоров Қытайдың Чунцин қаласында өтіп жатқан Гран-при кезеңінде аралық екінші орынға ие болды, деп хабарлайды Malim.kz.
Ұлттық Олимпиада комитетінің мәлімдеуінше, ол қысқа бағдарламада сәтті өнер көрсетіп, 93,21 ұпай жинаған. Бұл оған екінші орынға тұрақтауға мүмкіндік берді.
Қысқа бағдарламадан кейін бірінші орынға жапон спортшысы Шюн Сато шықты, онда 98,75 ұпай. Үшінші орын 91,22 ұпайымен француз Адам Сяо Хим Фиға тиесілі.
Енді мәнерлеп сырғанаушылар еркін бағдарламада өнер көрсетеді.
Фото: ҰОК
