Қызылорда облысында жаңа оқу жылында 50 мектеп санитарлық талаптарды сақтай отырып дәстүрлі түрде сабақ өткізеді. Бұл туралы МӘЛІМ КЗ сайты хабарлайды.
Бүгін облыс әкімі Гүлшара ӘБДІҚАЛЫҚОВА облыстық білім басқармасының басшысы Ақзира ҚАСЫМОВАНЫ қабылдады. Ақзира БАҚТЫБАЙҚЫЗЫ онлайн оқытуды ұйымдастыру жұмысы мен білім мекемелеріне жүргізіліп жатқан жөндеу жұмыстары жайлы баяндады.
Алдағы оқу жылында облыстағы 243 мектеп қашықтан, алыстан орналасқан және шағын жинақты 50 мектеп санитарлық талаптарды сақтай отырып әдеттегідей жұмыс жасайтын болады.
«Жұмыспен қамту Жол картасы» шеңберінде республикалық бюджеттен 8 млрд.теңге бөлініп, оған 52 білім нысаны жөндеуден өтіп жатыр екен.
Денсаулық сақтау министрі Алексей КИМ қыркүйек-қазан айларында коронавирустың ушыға түсетінін айтып, оқушылардың онлайн түрде білім алатынын мәлімдеген еді.
Ресми дерек бойынша Қызылорда облысында COVID-19 инфекциясын жұқтырғандар 2541 адам болса, сауыққандар саны 1677 адам.
Фото: facebook.com
