«Шахтер» футбол командасының бас бапкері қызметінен кетті
Футболдан Қарағандының «Шахтер» командасының бас бапкері Игорь Солошенко өз еркімен қызметінен кетті, деп хабарлайды Malim.kz команданың баспасөз қызметіне сілтеме жасап.
Игорь Солошенко 1996-2013 жылдарда кәсіби футболда қазақстандық «Шахтер», «Жеңіс», «Тобыл», «Ертіс», «Оқжетпес», «Ақжайық» командаларында қорғаушы міндетін атқарды.
Ұлттық құрама сапында 1998-2005 жылдарда ел намысын қорғады.
2015 жылдан бері «Шахтер» сапында спорт директоры қызметін атқарса, одан кейін бапкер болды. 2020-2023 жылдарда «Шахтер-Болат» клубында бас бапкер қызметінде еңбек етті.
Өткен жылдан бері «Шахтердің» тізгінін ұстады. Былтыр ел біріншілігінде команда 11-орынға тұрақтап, Премьер-лигадағы орнын сақтап қалды.
Биыл қарағандылық клуб 3 турдан кейін бірде-бір ұпайға қол жеткізе алмай, турнир кестесінде ең соңғы орынды місе тұтып тұр.
Енді қарағандылық ұжымның бас бапкері міндетін Андрей Финонченко атқарады.
Фото: shakhter.kz
MalimBlocks
Зауыттағы апат: Ерлан Нығматулин өндіріс нысанын қандай ақшаға салды?
Өткен аптаның соңында Қарағанды YDD Corporation ферроқорытпа зауытында қайғылы жағдай орын алды. Өндіріс орнындағы №1 пеш өртеніп, сегіз жұмысшы зардап шеккен. Өкінішке қарай, 25-шілде күні алған жарақаты салдарынан екі адам қайтыс болды.
