Болгарияның София қаласында өтіп жатқан бокстан «Странджа» кубогының финалистері анықталды, деп хабарлайды Malim.kz.
Жартылай финалдағы 10 жекпе-жектің 8-інде отандастарымыз жеңіске жетті. Тек 2 кездесуде ғана төрешілер шешімімен отандастарымыз жергілікті боксшыларға жол берді.
Финалдағы 4 салмақ дәрежесінде қазақ боксшылары өзара жұдырықтасады:
63,5 келі. Мұхаммедсабыр Базарбайұлы – Ертуған Зейнуллин
71 келі. Абылайхан Жүсіпов – Фарух Тоқтасынов
75 келі. Тимур Нұрсейітов – Сабыржан Аққалықов
86 келі. Нұрбек Оралбай – Бекзад Нұрдәулетов.
4 боксшымыз жарыстың қола жүлдегері атанды.
Теміртас Жүсіпов (48 келі)
Оразбек Асылқұлов (57 келі)
Талғат Сырымбетов (60 келі)
Данияр Рахымбердиев (92 келі)
Қазақ боксшыларының финалдағы қарсыласы кімдер?
Финалдағы 3 жекпе-жек өзбек боксшыларына қарсы өтеді. Ұлттық құрама капитаны Айбек Оралбай мен Баходир Жалоловтың ізбасары саналатын Жахонгир Закировпен жұдырықтасады.
51 келі. Даниял Сәбит – Самет Гумуш (Түркия)
54 келі. Тимур Қабдеш – Шахзод Музафаров (Өзбекстан)
60 келі. Серік Теміржанов – Радослав Росенов (Болгария)
67 келі. Төрехан Сабырхан – Заур Гахраманов (Азербайжан)
80 келі. Ерасыл Жақпеков – Фазлидин Еркинбоев (Өзбекстан)
+92 келі. Айбек Оралбай – Жахонгир Закиров (Өзбекстан).
Фото: Қазақстан бокс федерациясы
