Түркістан облысындағы жергілікті атқарушы органдардың бірнеше басшысына қатысты Қауіпсіздік комитетінің сыбайлас жемқорлыққа қарсы қызметі сотқа дейінгі тергеу бастады, деп хабарлайды Malim.kz Zakon.kz-ке сілтеме жасап.
Ведомство мәліметінше, Қоғамдық даму басқармасының басшысы қызметкерлердің еңбекақысын төлеуге арналған 191 млн теңгені жымқырды деген күдікке ілінген. Тергеу бұл әрекет оның қарамағындағы қызметкермен алдын ала сөз байласу арқылы жүзеге асқан болуы мүмкін деп есептейді.
Бұдан бөлек, тағы бір эпизодта Ветеринариялық қызмет басқармасының басшысы қаржылық тексеру бойынша оң қорытынды алу үшін комиссия мүшелеріне 16 млн теңге пара берген деген күдікпен тергеліп жатыр.
Сот санкциясымен істің фигуранттары қамауға алынды.
