Вирустың жаңа штамы: Ауырып шыққандар қайта жұқтыра ма?

  • 19.03.2021
  • Malim Админ

Денсаулық сақтау министрі Алексей Цой Алматыда коронавирустың "британдық", "оңтүстікафрикалық" және "бразилиялық" штаммдарына тән мутация анықталған болуы мүмкін екенін хабарлады.

"Денсаулық сақтау министрлігі елдегі коронавирус штаммдарын зерттеп жатыр. Ұлттық қоғамдық денсаулық сақтау орталығы филиалының референс-зертханасы 17 наурыз күні Алматыдағы коронавирус анықталған науқастардың зертханалық сынамаларын зерттеп көрді. Зерттеу нәтижесінде "британдық", "оңтүстікафрикалық" және "бразилиялық" штамдарға тән болжалды мутация анықталды", - дейді А.Цой Facebook-тегі парақшасында.

А.Цой елде жаңа штаммдар анықталған-анықталмағаны, үш штаммның нақты қайсысы анықталғаны бір айдан кейін белгілі болады деді. Сондай-ақ министр коронавирус мутацияларының алдын алу мен емдеу әдістері бұрынғы екенін айтып, "Спутник V" вакцинасы "британдық" штаммға қарсы тиімділігін дәлелдегенін жеткізді.

"Бразилиялық" штамм несімен қауіпті?

Британдық Financial Times басылымы Ұлыбртаниядағы Oxford университеті, Imperial College London мен Сан-Паулу университеті ғалымдарының бірігіп жасаған зерттеуіне сілтеме жасап, "бразилиялық" штамм бұған дейін коронавируспен ауырып, имминутет қалыптастырған адамдарға жұға алатынын хабарлаған. Бразилияда алғаш анықталған Р.1 штамы ауырып шыққан адамдардың иммунитетіне қарамастан жұғуы мүмкін. Зерттеуге коронавирустың алғашқы толқынында ауырып шыққан 100 адам қатысқан. Осы 100 адамның  ішінен 25-тен 61-ге дейін адам вирусты қайта жұқтыра алатынын зерттеу көрсетті. Бразилиялық штамм коронавирустың өзге түрімен салыстырғанда 1,4-2,2 есе жұқпалы.

"Р.1 (бразилиялық штамм) Манаустағы (Бразилияда осы штамм алған анықталған қала) вирустың эпидемиологиялық ипатын өзгертті деп сенімді түрде айта аламыз, бірақ ол басқа жағдайда да дәл осындай болатынын-болмайтынын білмейміз", - дейді Imperial College London оқытушысы Нуно Фариа.

Оның айтуынша, бразилиялық штамға қарсы вакцина тиімсіз деген дәлел әзірге жоқ.

Зерттеушілер Бразилияның Манаус қаласында вирустың жаңа штамы екінші толқыннна бір ай бұрын алғаш анықталды дейді. Сөйтіп, коронавирус анықталғандардың ішінде "бразилиялық" штамды жұқтырғандар жеті аптада нөлден 87 пайызға жетті.

"Зерттеу нәтижесі табиғи иммуниттетің әлсіреуі Манаустағы вирус өсімінің жалғыз себебі емес екенін көрсетті. Өйткені Р.1-дің эпидемиологиялық сипаты басқа. Сондықтан вакцина Р.1-ға қарсы қаншалықты тиімді екенін тез арада зерттеу керек", - делінген зерттеуде.

Зерттеушілер Р.1 штамы анықталған соң, Манауста осы инфекциядан өлім-жітім көрсеткіші 10-80 пайызға артқанын жазды. Бірақ өлім-жітім вирустың жаңа штамынан көбейді ме, әлде денсаулық сақтау жүйесінен үлкен сламақ түскендіктен артты ма, әлде осы екі нәрсе де себеп болды ма, оны тап басып айту қиын дейді.

Британдық басылымдар "британдық" штамм тез таралады, тіпті 70 пайызға дейін жұқпалы екенін жазған. Алайда мұнымен кей зерттеушілер келіспейді.

Байланысты жаналықтар

Тоқаевтың тапсырмаларын орындау амалдарын қарастырды

24.03.2020

Лукашенко: Тоқаевтың арқасында

17.05.2020

Құрбан айттың бірінші күні 18 мыңдай отбасыға ет таратылған

31.07.2020

Талдықорғанның әкімі Назарбаевтың сөзін құлағына ілмепті

06.02.2020

Есірткі таратушылар тыйылар емес

13.10.2020

Жоқ коронатесті іздеген жүкті әйелдің зары

22.06.2020