Батыс Қазақстан облысында екі баладан метапневмовирус анықталды
Мамандар сақтық шараларын ұстануды сұрайды
Батыс Қазақстан облысының санитарлық-эпидемиологиялық бақылау департаментінің мәліметі бойынша, облыста метапневмовирусының 2 жағдайы тіркелген. «Мой город» жазуынша, екеуі де 14 жасқа дейінгі балалар, деп хабарлайды Malim.kz.
Метапневмовирус – бұл көптеген елде, соның ішінде Қазақстанда да кең тараған классикалық вирус. Ол басқа да маусымдық індеттермен бірге, ОРВИ және тұмау ауруларының өршуі кезеңінде белсенді таралады және негізінен ауа-тамшы жолымен беріледі.
Мұның алдында Денсаулық сақтау министрлігінің метапневмовирусқа қатысты түсініктеме бергенін жазған едік. Вирустың бұл түрі адамға жұғатын жаңа инфекция емес. Бұл вирус түрлі елдерде бірнеше ондаған жылдар бойы таралып келеді. Метапневмовирус штаммдары Қазақстанда да анықталған, сондай-ақ басқа да вирустар маусымдық өршу кезінде белсенді болады.
Фото: pexels.com
MalimBlocks
