Жанболат Мамай да вакцина салдырыпты

Malim Админ

  • 04.04.2021

Алматы қаласының қоғамдық денсаулық басқармасының басшысы Нариман Табынбаевтың мәлімдеуінше, қалада екі күннің ішінде 17 мыңнан астам адам вакцина салдырған. Бүгін және 10 мың адамға вакцина салынбақ. Басқарма басшысы еріктілерге вакцина салу 3-4 күнге шегерілетінін де айтты.

Коронавирусқа қарсы вакцина салдыру расымен де қарқынды жүріп жатқандай. Кешелі бері әлеуметтік желі «мен де вакцина салдырдым» деген жазбаларға толып кетті.

Мәселен, астанадағы саясаттанушы Марат Баширов «Мен де екпе салдырттым. Екпе алып жатқандардың көбі жастар. Кезек айтарлықтай. Instagram арқылы білген екен. Дәрігерлер, мейірбикелер мен психологтар кімнің іштей қорқып, қобалжып отырғанын сезеді. Дәрігерлер тамақты, температураны, қан қысымын тексеріп, бұрындары қандай аурумен ауырғандарыңды, қандай да препаратқа аллергия бар-жоқтығын да сұрап жатыр. Вацинадан кейін 30 минут күтесіз» деп жазды.

Белгілі алаштанушы, 31-арнаның ақпараттық бағдарламалар директоры Болат Мүрсәлім де Facebook парақшасында вакцина салдырғанын жазды.

"Спутник V" салдырдым. Коронавирус өршіп кеткенде, вакцина шықса салдырам деп ойлап жүруші едім, вакцина салдырудың реті бұнша тез болады деп күтпеппін. Терапевтім "салдырасыз ба?" деді, сөзге келместен тәуекел дедім. Белгілі дәрежеде реакция болатынын да білем, дәл маған келгенде сол реакция жеңіл болады деп үміттенем. Енді антидене қалыптасқанша сақ болу керек».

Сондай-ақ, қоғам белсендісі Жанболат Мамай да уақыт созбай вакцина салдырып алыпты.

«Алматыда жаппай екпе салдыру басталды. Бірақ, биліктің өзі үнсіз. Не Тоқаев, не Мамин, не Цойдың өзі мысал көрсетіп, ашық түрде екпе салдырған жоқ. Сөзбен айтады да, елмен бірге болудан қорқады.

Ал біз қашан да халықпен, елмен біргеміз. Билік қорықса, біз қорықпаймыз. Бүгін арнайы барып, ресейлік Спутник вакцинасын бірнеше адам барып өзімізге салдырдық. Халыққа не салып жатқанын көрейік, оның әсерін білейік деп. Артынан не болатынын сіздерге хабарлап айтамыз.

Екінші жағынан, алда қаншама митингтер ұйымдастырамыз, жиындарға қатысамыз. Көптеген адамдармен кездесеміз. Оларды да қауіп қатерге қалдырмауымыз керек деп санаймыз. Осы себепті, вакцинаны өзімізге салдырдық. Халықпен қашан да біргеміз! Ешкімге екпе салдыр я салдырма деп үгіттемейміз. Бұл - әрбір адамның жеке таңдауы» деп жазыпты Ж.Мамай.

Байланысты жаналықтар

М. Әбжан 9 жылға сотталды, Ж. Мамай 10 жылға сотталады...

03.02.2023

Бұл сайлауда қандастар ғана жеңіске жетеді!

30.01.2023

Тоқаевты қолдайтын Азамат Әміртайдың партиясы тіркелді

30.11.2022

Мамайдың айыбы жеңілдеді

27.10.2022

Жанболат Мамай он жылға сотталуы мүмкін

08.06.2022

"Досаев келмейінше кетпейміз". Белсенділер алаңда түнеуге бел буып отыр

13.02.2022
MalimBlocks
М. Әбжан 9 жылға сотталды, Ж. Мамай 10 жылға сотталады...

Саяси реформаларға шақыру, әрине, қылмыс емес. Бірақ 10 жылға бас бостандығынан айыру – қылмыс

Бұл сайлауда қандастар ғана жеңіске жетеді!

Сонымен сайлауға үміткерді тіркеу басталып кетті! Ал мен күткен қандастар үнсіз («Республика» партиясының жетекшісінің бірі Сырымбет Тауды есепке алмаймын).

Тоқаевты қолдайтын Азамат Әміртайдың партиясы тіркелді

Қазақстанға  + 1 саяси партия. Атауы - «Байтақ». Ұраны  -- экология. Жалауы жасыл. Бұл өзі Қазақстанда оншақты жылдан бері дүниеге зорға келген партия. Көсемі Азамат Әміртай.

Мамайдың айыбы жеңілдеді

"Демпартияны" тіркей алмай жүрген Жанболат Мамай ақпан айынан бері қамауда жатыр.

Жанболат Мамай он жылға сотталуы мүмкін

"Досаев келмейінше кетпейміз". Белсенділер алаңда түнеуге бел буып отыр

Алматыда Қаңтар оқиғасы кезінде қайтыс болған азаматтарды еске алып алаңға шыққандар қала әкімі Ерболат Досаев ел алдына шықпайынша, алаңнан кетпейтіндерін айтып жатыр.