Тоқаевты қолдайтын Азамат Әміртайдың партиясы тіркелді
Қазақстанға + 1 саяси партия. Атауы - «Байтақ». Ұраны -- экология. Жалауы жасыл. Бұл өзі Қазақстанда оншақты жылдан бері дүниеге зорға келген партия. Көсемі Азамат Әміртай.
Азамат Әміртай президент Қ.Тоқаев ашқан ұлттық құрылтайдың мүшесі. Үкіметке қарасты «ҚазАгро» ұлттық холдингінің директорлар кеңесінің де мүшесі болғаны бар. Қ.Тоқаевты қолдайтынын жасырмайды. Сондай-ақ, Азамат Әміртай мен оның партиясына Н.Назарбаевты керек кезінде қатты мақтаған ақын Олжас Сүлейменов батасын беріп жүретін.
Жалпы, елде саяси партиясын тіркете алмай жүргендер баршылық. Әділет министрлігінің дерегінше, олардың саны жиырмаға жуық. Олардың ішінде Жанболат Мамайдың және Жасарал Қанышәлиннің тіркей алмай жүрген партиялары да бар.
Жалпы, саяси партияны тіркеуге қойылатын шарттар жеңілдетіледі деп былтыр айтылғанымен, оған қатысты заң жобасы парламенттің қарауынан әлі шыққан жоқ. Елімізде бұған дейін тіркеуден өткен бес партия бар. Билікшіл «Аманаттан» басқасы («Ақжол», «Ауыл», «Қазақстанның халық партиясы» және ЖСДП) өздерін оппозицияшыл деп таныстырғанымен жұрттың көбі оларды «Аманаттың» филиалы деп біледі.
(фото Азамат Әміртайдың парақшасынан алынды)
Байланысты жаналықтар
MalimBlocks
Әмірхан Балқыбек. Гете немісті жек көрген бе?
Марқұм Әмірхан Балқыбектің (1969-2014) бұл мақаласы кезінде "Дала мен Қала" газетінде жарық көріп еді. Олжас Сүлейменовке қарсы сөз қозғайтын топ туралы толғанып, бүгінгі қазақ неге Олжасты жек көреді деген сауалға жауап берген. Біз ақынның сол мақаласын ұсынып отырмыз.
