Цой: Тегін вакцина салдырғыңыз келмесе, апта сайын ПТР тапсырыңыз
Қызмет көрсету саласы қызметкерлері, өнеркәсіп пен өзге де қызметкер саны жиырмадан асатын ұжымдар вакцина алудан бас тартқан жағдайда апта сайын ПТР тапсыруға міндеттеледі. Бұл туралы бүгін брифингіде денсаулық сақтау министрі Алексей Цой мәлімдеді.
«Қызметкерлер міндетті вакцинадан бас тартқан жағдайда, апта сайын өз қалтасынан немесе жұмыс беруші есебінен ПТР тапсырып отыруға міндеттеледі. Вакцина тегін, ол үшін мемлекет төлеп отыр. Ал ПТР-дің вирустың алдын алуға мүлдем пайдасы жоқ, оның үстіне ақылы. Егер тегін вакцина алғыңыз келмесе, онда апта сайын ПТР тапсырғаннан басқа амал жоқ», - деді министр.
Қазіргі таңда бас санитар дәрігердің жаңа қаулысы дайындалып жатыр. Міндетті вакцинацияға қатысты талаптар қаулы қол қойылған соң күшіне енеді.
Байланысты жаналықтар
MalimBlocks
Халық үшін нағыз қауіп - антиваксерлер
Коронавирустың таралуы асау өрттей қаулап барады. Шарпымаған жері жоқ. Елдің барлық өңірі қызыл аймаққа өтіп, ажал төндіріп тұр. Өкпесі күйген, Құдайдың тегін ауасымен қиындықсыз тыныстауға зар боп қалған науқастар күн санап емес, сағат сайын көбейіп барады. Ана күні ғана 3 мың еді, кеше 7 мыңнан асып жығылды. Былтыр ғалымдар коронавирустың күші мен залалын таппай жатқан сәтте дәл осылайша сырқаттар көп болмаған. Ал биыл, былтыр коронавирустан қорыққан жұрт биыл коронавирустың түбіне жететін вакцинадан үркіп әлек боп, түзу жерде сүрініп жүр.