Қырғыз депутаттары екі айлық жалақыларынан бас тартты

  • 16.04.2020
  • Malim Админ

Қырғыз Республикасында "Қырғызстан" парламенттік фракциясының өкілдері коронавируспен күрес үшін екі айлық жалақыларынан бас тартты. Бұл туралы Malim.kz сайты Азаттық Радиосына сілтей отырып хабарлайды.

Аталмыш фракция мүшесі Канат Исаевтың айтуынша "көптеген қырғыз азаматтары жұмысынан айрылып, көптеген адамдар коронавирус инфекциясымен күресу үшін күш жұмылдырып жатқан кезде" депутаттар тасада қалмауы тиіс.

"Фракциямыз сәуір және мамыр айының жалақысынан бас тарту туралы шешім қабылдады. Өзге фракцияларды да бастаманы қолдауға шақырамыз. Үнемделген қаржыны медицина және құқық қорғау орган қызметкерлеріне сыйақы ретінде беруге болады. Біз сонымен бірге үкіметті министрліктер мен ведомстволар, аймақтағы өкілдіктер, әкімдіктер, елшіліктер және тағы да басқа органдарға жұмсалатын шығынғы азайтуға шақырамыз" деді депутат.

Жогорку Кенеш сайтындағы ақпаратқа сәйкес, "Қырғызстан" парламенттік фракциясының құрамында 18 депутат бар.

15 сәуір күнгі мәлімет бойынша, Қырғызстанда 449 адамнан коронавирус табылған, бес адам қайтыс болған.

Байланысты жаналықтар

Нығматулин қайда болса, Махаев сонда

26.10.2020

Қымбат Досжан көпшіліктің сынынан кейін кешірім сұрады

04.11.2020

Баталов аудан атын өзгертемін деп уәде берген жоқ

20.06.2020

Қытай вирусты жеңбесе, Токио олимпиадасы өтпейді

10.02.2020

Тайжан: Ұлттық сенім кеңесінен өткір мәлімдеме күтпеңіздер

20.04.2020

Көлсайдың 1 дәретханасы – 15 миллион

17.06.2020