«Әшімбаев спикер болғаннан ешнәрсе өзгермейді»

Олжас Қасым

  • 04.05.2020

Сонымен, шұғыл жиналған сенат отырысында Мәулен ӘШІМБАЕВ спикер болып сайланды. Екі сағат бұрын ғана мемлекет басшысы Қасым-Жомарт ТОҚАЕВТЫҢ жарлығымен Мәулен ӘШІМБАЕВ сенат депутаты болып тағайындалған еді.

Дариға НАЗАРБАЕВАНЫҢ өкілеттілігі 2 мамыр күні тоқтаған еді. Содан бері бос тұрған сенаттың кезекті басшысына қатысты түрлі болжамдар да айтылды.

МӘЛІМ КЗ сайты тілшісіне сұхбат берген саясаттанушы Дос КӨШІМ бұндау ауыс-түйістерге еті үйренгенін айтады. Және одан ешнәрсе өзгере қоймайды дейді.

«Сенат төрағалығына Дариға Назарбаева былтыр ғана келді. Енді аяқасты кетіп қалды. Оның себебін ешкім айтқан жоқ. Бір нәрсені бүлдірді ме, әлде, басқа қызметке ауысуына байланысты кетті ме. Өркениетті елдерде бұндай қызметтегі адамның отставкасы елге түсіндіріледі. Бізде жұмысына рақмет айтып шығарып тастады. Дариға Нұрсұлтанқызы өзі де айтқан жоқ. Мен жалпы ауыс-түістерге қатысты пікір білдірмеймін. Өйткені одан түк өзгермейді. Және бұл үйреншікті жағдай. Мәулен Әшімбаевтың ұлттық идеология бағытындағы жұмысын қолдаймын. Бірақ ол да осы жүйенің адамы. Ол ешнәрсе өзгерте алмайды. Саяси жүйе өзгермей, еш нәрсе өзгермейді. Бізде сол баяғы совет үкіметіндегідей бір бөлменің ішіне 40-50 адам отырып алып, өз білгендерін жасап отыр», - дейді саясаттанушы Дос Көшім

1995-1997 жылдары Қауіпсіздік кеңесінің хатшысы болған саясаткер Балташ ТҰРСЫНБАЕВ Мәулен Әшімбаевты жас күніне білетін айтады. Алайда, ойы саясаттанушы пікірімен үндеспейді.

«Мәулен Әшімбаев білімді һәм зиялы жігіт. Қауіпсіздік кеңесінің хатшысы болған кезімде Мәулен  менің қарамағымда істеген. Ғылыми атағын өз күшімен қорғаған жігіт. Өзгелердің қалай қорғағандарын білеміз ғой. Жалпы саясатта орындаушы және қоғамға керек саясат жүргізетін қайраткерлер болады. Бұл біріншісіне жатады. Содан кейін Мәулен Әшімбаевтың 100 млн доллар тұратын Лондонда сарайлары жоқ. Қоғамға пайдасы да, залалы да жоқ адам ғой. Сондықтан спикерлікке келіп жатыр», - дейді саясаткер Балташ ТҰРСЫНБАЕВ.

Осылайша, Қазақстан парламенті тарихында Мәулен САҒАТХАНҰЛЫ ең жас сенат төрағасы болып отыр. 49 жастағы саясаткер бұған дейін президент әкімшілігі жетекшісінің бірінші орынбасары болған. «Нұр-Отан» партиясы төрағасының бірінші орынбасары, президент көмекшісі, президент әкімшілігі төрағасының орынбасары сынды лауазымды қызметтерді атқарған.

Байланысты жаналықтар

«Мұқанов Қонаевқа қарсы сөйледі». Совет үкіметінде тіл үшін күрес қалай жүрді?

10.02.2023

21 жыл. Путиннің жақсылық әкелмейтінін болжаған Балташ аға еді

22.09.2022

Дос Көшім: Президент сайлауына түсуім мүмкін

16.05.2022

Ресей БҰҰ мүшелігінен шыға ма? Сарапшылар жауап берді

07.04.2022

Мамин мектептерді ашпақшы. Қауіп жоқ па?

11.08.2021

Болат Атабаевпен екінші сұхбат

09.07.2021
MalimBlocks
«Мұқанов Қонаевқа қарсы сөйледі». Совет үкіметінде тіл үшін күрес қалай жүрді?

Қазақтың тілі үшін күрестің сонау Патша үкіметі кезінен басталғанын білесіз бе? Оның басында тағы да Алаш арыстары тұр.

21 жыл. Путиннің жақсылық әкелмейтінін болжаған Балташ аға еді

Қоғам қайраткері, оппозиция серкелерінің бірі, саясаткер Балташ Тұрсынбаев - Балташ ағасыз өткен 40 күн...

Дос Көшім: Президент сайлауына түсуім мүмкін

Мен «Аманатты» саяси партия деп есептемеймін, ол билікті алған адамдардың тобын ұстап тұру үшін партияның атымен құрылған «комфортный» ұйым.

Ресей БҰҰ мүшелігінен шыға ма? Сарапшылар жауап берді

Қазақстан Ресейді БҰҰ-ның Қауіпсіздік кеңесі мүшелігінен шығаруды қолдамайды

Мамин мектептерді ашпақшы. Қауіп жоқ па?

Болат Атабаевпен екінші сұхбат