Рұқсат берілген 34 жолаушылар пойызының бағыты белгілі болды

  • 11.06.2020
  • Malim Админ

Ел ішінде 34 жолаушылар пойызының қозғалысына рұқсат берілді. «Қазақстан темір жолы» Ұлттық компаниясы« АҚ-ның баспасөз қызметінің хабарлауынша, коронавирустың таралуына жол бермеу жөніндегі ведомствоаралық комиссияның шешімімен және Индустрия және инфрақұрылымдық даму министрлігінің келісімімен 10 маусымнан бастап Қазақстан бойынша көліктегі бас мемлекеттік санитарлық дәрігердің талаптарын ескере отырып, тағы 34 (Құлсары, Мақат және тағы басқа станциялардағы карантиндік режимге байланысты 5 пойыздан басқа) жолаушылар пойызы іске қосылды.

Сондай-ақ, ұлттық компания мәліметінше, жазғы кезеңде Алакөл көліне 2020 жылдың 11 маусымынан бастап № 459-6941/6942-460 «Өскемен-Достық» және № 457-6941/6942-458 «Семей-Достық» пойызы күн сайын қатынайды.

14 маусымнан бастап № 255/256 «Алматы 2 – Достық» пойызы аптасына үш рет қатынайтын болады.

18 маусымынан № 258/257 «Нұр-Сұлтан 1 – Достық» пойызы аптасына екі рет жүреді.

«Мемлекеттік шекаралар ашылғаннан және басқа мемлекеттердің теміржол әкімшіліктерімен келісілгеннен кейін қалған бағыттар кезең-кезеңімен іске қосылады», - деп атап өтеді компаниядан.

Көліктегі бас мемлекеттік санитарлық дәрігердің қаулысына сәйкес, 10 маусымнан бастап санитарлық-заласыздандыру режимі және өзге де шектеу шаралары қатаң сақталған жағдайда пойыздарда вагон-мейрамхана және вагон-барлар жұмыс істейді.

Байланысты жаналықтар

Жаңаөзен қырғынына ұласқан ереуілге тоғыз жыл толды

27.05.2020

Көпбалалы әке: Мемлекеттен көмек күтсең, аштан өлесің

02.09.2020

БҰҰ сарапшылары: Қытай түрмедегі мұсылмандардың іш-құрылысын күштеп алып жатыр

15.06.2021

Биыл браконьерлер көп

30.07.2020

Алматыда атыс жасаған адамның кім екені белгілі болды

25.04.2021

Бір миллиард бюджет қаржысына ескерткіш қойылмақ

09.06.2021