Әлнұр Ілияшев онлайн сотқа қатысудан бас тартты

Malim Админ

  • 12.06.2020

Алматыда "Төтенше жағдай кезінде жалған ақпарат таратты" деген күдікке ілінген белсенді Әлнұр Ілияшевке қарсы сот процесі басталды. Істі Медеу аудандық соты онлайн режимде қарап жатыр. Әлнұр Ілияшев сотқа СИ-18 тергеу изоляторынан қатысты. Прокурорлар, судья мен адвокаттар  сотқа онлайн қатысып отыр.

Онлайн соттағы байланыс өте нашар, судьяның даусы бірде естілсе, бірде естілмейді. Онлайн соттан тікелей трансляцияны белсенді Даная Қалиева мен Марат Қияшев жүргізіп жатыр.

Әлнұр Ілияшев соттың онлайн өтуіне қарсылық білдіріп, процестің сот ғимаратында өтуіне рұқсат берілмейінше, сотты кейінге қалдыруды сұрады. Алайда судья бұл өтінішті аяқсыз қалдырды.

Әлнұр Ілияшев сотқа қатысудан бас тартып, онлайн соттан шығып кетті. Судья  Махарадзе айдауылдарға айтып жатып, Ә.Ілияшевті онлайн трансляция жүріп жатқан тергеу изоляторындағы бөлмеге қайта алдыртты. Алайда Ілияшев "мұнда онлайн сот өткізуге мүмкіндік жоқ" деп қайта шығып кетті.

Расында да, Ілияшев онлайн байланысқа шығып жатқан тергеу изоляторынан айқай-шу естіліп жатты. Адвокаттар тергеу изоляторындағы шу сотты жүргізуге кедергі келтіріп жатқанын айтып, тергеу изоляторын онлайн байланыстан ажыратуды сұрады. Судья айыпталушы сол жақтан қатысуға тиіс болғандықтан, онлайн байланыстан ажыратпайтынын ескертті.

Ілияшевті үш адвокат: Виталий Воронов, Нұрлан Рахманов пен Таир Наханов қорғап жатыр. Қорғаушылар Ә.Ілияшев процеске қатысудан бас тартқандықтан, сотты кейінге қалдыруды сұрады. Алайда прокурор бұл өтінішті қанағаттандырмауды сұрады. Судья прокурор өтінішін құптап , онлайн сотты жүргізе берді.

Сот ғимаратының сыртында жиналған Әлнұр Ілияшевті қолдауға келген белсенділер онлайн сотқа қарсылық білдірді. Олар Ілияшевті қудалауды тоқтатып, қамаудан босатуды талап етті.

Әлнұр Ілияшевті қолдауға жиналған белсенділер. Фото Марат Тұрымбетовтің Facebook парақшасынан алынды

Белсенді Әлнұр Ілияшев 17 тәуір күні "төтенше жағдай кезінде жалған ақпарат таратты" деген күдікпен ұсталған болатын. Алматы қалалық полиция департаменті «күдікті жұртты әдейі жаңылыстыратын ақпарат таратты, полицияның ескертуіне құлақ аспады. Ол тіпті ар-намыс пен іскерлік беделді қорғау ісі бойынша өткен соттан да тиісті қорытынды жасамады. Сот үкімі бойынша, Ілияшевті бұрын таратқан ақпаратты теріске шығаруға міндетті еді», – деп хабарлады.

Халықаралық құқық қорғау ұйымдары Қазақстан билігінен Әлнұр Ілияшевті қамаудан босатып, қылмыстық істі тоқтатуға шақырған.

Байланысты жаналықтар

Полиция, сот және прокурор карантинде моншаға баруға неге құмар?

16.02.2021

Экс-әкім Бақауов қай президенттен кешірім сұрайды?

26.05.2020

Адвокат Джохар Өтебеков: Сот Төлесованы ақтайды дегенге сенбеймін

09.08.2020

Сәтбаевтағы жанжал: Айыпталушылар прокурормен келісімге келді

13.05.2021

Әлнұр Ілияшевке сот үкімі шықты

22.06.2020

Цойды сотқа шақыру сұралды

28.04.2021
MalimBlocks
Полиция, сот және прокурор карантинде моншаға баруға неге құмар?

Экс-әкім Бақауов қай президенттен кешірім сұрайды?

Адвокат Джохар Өтебеков: Сот Төлесованы ақтайды дегенге сенбеймін

Сәтбаевтағы жанжал: Айыпталушылар прокурормен келісімге келді

Әлнұр Ілияшевке сот үкімі шықты

Цойды сотқа шақыру сұралды