Алматы қаласының әкімдігі дәрігер Қайырғали Көнеевке митинг өткізуге рұқсат бермеді. Бұл туралы дәрігер, медицина ғылымдарының докторы, балалар невропатологы Қайырғали Көнеев өз парақшасында хабарлады.
Қайырғали Көнеев 11 шілде күні Алматыдағы Сарыарқа кинотеатрының артында барлық санитарлық талапты сақтай отырып, парламент мақұлдап, президенттің қол қоюына жіберілген "Халық денсаулығы мен денсаулық сақтау жүйесі туралы" кодекс жобасына қарсы бейбіт жиын өткізбек болды. Сөйтіп, әкімдікке тиісті хабарлама жіберген. "Бейбіт жиын өткізу мен ұйымдастыру тәртібі туралы" жаңа заңға сәйкес, митинг өткізу үшін жергілікті әкмдікке хабарлау жеткілікті. Алайда Көнеевтің мысалы әкімдікке митинг өткізетініңді алдын ала хабарлаған күннің өзінде, билік органы рұқсат бермеуі мүмкін екенін көрсетіп отыр.
Көнеев әкімдік жауабын Facebook әлеуметтік желісіндегі парақшасында жариялады. Әкімдіктің жауабында қоғамдық даму басқармасының жетекшісі Айдар Есенбеков қаланың бас санитар дәрігерінің қаулысына сәйкес, топ болып жиналуға тыйым салынғанын келтіріп, митингіге рұқсат етілмейтінін хабарлаған.
Оқи отырыңыз: Министр Біртановты сынаған дәрігер митинг өткізбек
Байланысты жаналықтар
MalimBlocks
