Ресейлік вакцина сынағына қатысқандар вирус жұқтырды

  • 28.10.2020
  • Malim Админ

Ресейде "Спутник-V" вакцинасының сынағына қатысқан 19 адам коронавирус жұқтырды. Бұл туралы вакцинаны жасап шығарған Гамалея орталығының директоры Александр Гинцург мәлімдеді.

Алайда Гинцбургтың сөзінше, вирусты вакцина емес, плацебо салдырғандар жұқтырған болуы мүмкін.  Әзірге вирусты жұқтырғандар вакцинаны салдырғандар ма, әлде плацебоны алғандар ма, мұны дөп басып айту қиын. Орталық мұның анық-қанығын тек қарашаның ортасына қарай ғана анықтай алады.

Гинцбургтың айтуынша, сынаққа қатысқан еріктілердің жартысы вакцинаның бірінші компонентін салдырды. 9 мыңға жуығы вакцина сынағының екінші кезеңіне қатысты. Ал сынақтың қорытынды кезеңіне 40 мың адам қатысып жатыр.

Бұған дейін Қазақстанның денсаулық сақтау министрлігі 26 тамыз күні Ресеймен вакцина алу туралы келісім жасасқан. Денсаулық сақтау министрлігінің ресми өкілі Бағдат Қожахметов Қазақстанның Ресеймен ғана коронавирус вакцинасын сатып алу туралы келісім жасасқанын "ресейлік екпе басқалардың алдына шығып кетті" деп түсіндірген.

Байланысты жаналықтар

Жастарға пайдалы бастама

12.08.2020

Бақауовты босатыпты

19.02.2020

Көлік полицейі заман талабына сай болуы тиіс

30.11.2020

Әсел Тасмағамбетованың «Сәбиі» 18-ге толды

13.05.2020

Беларусьтен кейін елбасымыздың дана шешімге барғанын көріп отырмыз

20.08.2020

Қытай Қазақстанның жүк вагондарын қабылдамай жатыр

12.06.2021