ДСМ: Қазақстанда маймыл шешегі тіркелмеді
Дегенмен қауіпті елдерге баратындарға сақтық жолдарын ұсынды
Елде маймыл шешегінің бірде-бір жағдайы тіркелмеді. Дегенмен Денсаулық сақтау министрлігі инфекцияның елге жету қаупін сейілту үшін тиісті шараларды қолға алған, деп хабарлайды Malim.kz.
Министрлік әлемдегі маймыл шешегінің қазіргі жағдайы және еліміздің аумағында инфекцияның таралуын болдырмау бойынша қабылданған шаралар туралы мәлімдеме жасады.
Мәселен, әуежайлар мен шекара өткелдерін қоса алғанда, санитариялық-карантиндік пункттерде бақылау шаралары күшейтілген. Маймыл шешегі тіркелген елдерден келген азаматтарға жіті назар аударылады.
Инфекцияның таралу ықтималдығын болдырмау үшін министрлік эндемиялық елдерге баруды жоспарлап қойған азаматтарға мына сақтық шараларын сақтауға кееңс береді:
Ауру адамдардан және жабайы жануарлардан аулақ болыңыз. Маймылдар, егеуқұйрықтар мен басқа да жануарлар вирус жұқтыруы мүмкін;
Қорғаныс құралдарын қолданыңыз. Жануарлармен немесе олардың өнімдерімен байланыста болған кезде қорғаныс киімдері және қолғаптарын қолданған жөн;
Гигиенаны сақтау. Қолды үнемі жуып, дезинфекциялау құралдарын қолдану инфекцияның таралу қаупін азайтуға көмектеседі;
Аса қажеттілік туындамаса, маймыл шешегі тіркелген елдерге шықпауға кеңес беріледі;
Алғашқы белгілер пайда болған кезде дәрігерге барыңыз. Егер бөртпе, жоғары температура мен басқа да белгілер пайда болса, дереу медициналық көмекке жүгіну керек.
Фото: dzen.ru
Байланысты жаналықтар
MalimBlocks
Мүгедектікті белгілеу бойынша 52 мыңнан астам өтінім сырттай форматта қаралды
Мүгедектік тобын белгілеу жөніндегі қызметті алу үшін өтініш берушіге тұрғылықты жері бойынша емханаға жүгіну және қажетті тексеруден өту қажет, қалған процестер ақпараттық жүйелерді интеграциялау есебінен оның қатысуынсыз өтеді.
