Абай облысында патрульдік полиция қызметкерлері қолайсыз жол-көлік жағдайына байланысты қар құрсауында қалған жеңіл автокөлік жүргізушісіне көмек көрсетті, деп хабарлайды Malim.kz.
Оқиға Аршалы мен Қалбатау ауылдарының арасындағы автожолда орын алған. Патрульдеу кезінде полицейлер өздігінен қозғала алмай тұрған автокөлікті байқап, жағдайды бағалап, қауіпсіздік шараларын сақтай отырып көлікті қардан шығарып алды.
Жүргізуші көрсетілген жедел көмек пен кәсібилік үшін полиция қызметкерлеріне алғыс білдірді. Құқық қорғау органдары азаматтарды қолайсыз ауа райында жолға шықпауға және сақтық шараларын қатаң сақтауға шақырады.
