Мемлекет басшысы 2024 жылы қазақстандық жас жазушылар мен ақындар үшін Президенттік арнаулы әдеби сыйлықты беру туралы Жарлыққа қол қойды деп хабарлайды Malim.kz.
2024 жылы қазақстандық жас жазушылар мен ақындар үшін Президенттік арнаулы әдеби сыйлық:
1) «Проза» номинациясы бойынша «2026» шығармасы үшін Есбол Социалханға;
2) «Поэзия» номинациясы бойынша «Боз ұшқат» өлеңдер жинағы үшін Жәнібек Бақытұлы Әлимановқа;
3) «Драматургия» номинациясы бойынша «Апатай» драмалық туындысы үшін Әлишер Жеңісұлы Айтуарға;
4) «Балалар әдебиеті» номинациясы бойынша «Рокет Ера. Синопсис» повесі үшін Әсет Жүкенұлы Сыздықовқа берілді.
Айта кетейік, бұл сыйлық 2023 жылы тұңғыш рет 35 жасқа дейінгі жас қаламгерлерді қолдау мақсатында тағайындалған болатын. Жүлде қоры 4 000 000 теңгені құрайды.
Фото: gov.kz
