Женевада АҚШ пен Қытай арасында тарифтерге қатысты келіссөздер өтті, - деп хабарлайды Malim.kz CNBC-ге сілтеме жасап.
АҚШ қаржы министрі Скотт Бессент пен Қытай вице-премьері Хэ Лифэннің 10 сағатқа созылған кездесуі құпия жағдайда өтті – келіссөздер аяқталғаннан кейін тараптар журналистерге ешқандай пікір берген жоқ.
Алайда Дональд Трамп АҚШ пен Қытай арасындағы сауда келіссөздері жақсы өткенін айтты.
"Толықтай қайта бастау мәселесі достық әрі конструктив түрде талқыланды. Көп нәрсе айтылды, көп нәрсе бойынша келісімге келдік. Біз Қытайдың америкалық бизнеске есік ашқанын қалаймыз – бұл ҚХР мен АҚШ үшін де пайдалы болмақ. Үлкен прогреске қол жеткізілді", – деп жазды Трамп Truth Social парақшасында.
Фото: © Associated Press
