АҚШ Мемлекеттік департаменті Украина Қарулы Күштеріне F-16 жойғыш ұшақтары мен оларға қатысты жабдықтарды 310,5 миллион доллар көлемінде сатуға келісім берді. Бұл туралы АҚШ Қорғаныс министрлігіне қарасты Қауіпсіздік саласындағы ынтымақтастық агенттігі (DSCA) хабарлады.
Келісім пакеті келесі қызметтерді қамтиды: ұшақтарды жаңғырту және жетілдіру, персоналды оқыту, қосалқы бөлшектермен қамтамасыз ету, жерүсті техникалық қызмет көрсетуге арналған жабдық, бағдарламалық қамтамасыз ету, техникалық құжаттар және басқа да логистикалық элементтер.
DSCA мәліметінше, бұл бастама Украинаға қазіргі және болашақ қауіптерге қарсы тұру қабілетін арттыруға, сондай-ақ АҚШ-пен бірлесіп операция жүргізу мүмкіндігін нығайтуға сеп болады.
Фото: Efrem Lukatsky/AP Photo/picture alliance
